«Piekielni borošna». BT u efiry vydała fejkavy fłešmob za sapraŭdny
Apošnija dni ŭ sacsietkach raspaŭsiudziŭsia fłešmob z chešteham #LightOnZelenskyyOff. U ramkach akcyi kramloŭskija boty, akaŭnty jakich amal pustyja i ŭ jakich amal niama padpisčykaŭ, zaklikali ŭkraincaŭ uklučać elektraprybory «nazło Zialenskamu». Pra fejkavy fłešmob absalutna surjozna raskazała BT.
«Biezvychodnaść u dziejańni. Žychary Ukrainy arhanizavali fłešmob suprać zajaŭ ukrainskich uładaŭ ab nieabchodnaści maksimalna skaracić spažyvańnie elektraenierhii. Łozunh: «Moj kamfort važniejšy za ambicyi Zialenskaha». Ludzi zaklikajuć uklučyć usio aśviatleńnie ŭ damach u znak pratestu. A pakul ułady zaklikajuć rychtavacca da žyćcia ŭkraincam bieź ciapła, elektryčnaści i vady», — havorać łukašenkaŭskija prapahandysty.
Sam pa sabie fłešmob (kali b jon i nasamreč mieŭ miesca) absalutna biazhłuzdy. Prablemy z elektraenierhijaj va Ukrainie vyklikanyja tolki tym, što Rasija ŭ chodzie vajny mietadyčna, śviadoma i metanakiravana źniščaje cyvilnuju enierhietyčnuju strukturu Ukrainy. Viejernyja adklučeńni elektraenierhii va Ukrainie vyklikanyja vajennymi złačynstvami Rasii, jany nijak nie źviazanyja z «ambicyjami Zialenskaha».
Ale ž «fłešmob» nie maje miesca — maje miesca śpiecapieracyja rasijskich sił psichałahičnych apieracyj.
Pieršyja dopisy (mnohija ź jakich byli z hramatyčnymi pamyłkami) pačali źjaŭlacca prykładna 27 kastryčnika i razychodzicca pa amal pustych akaŭntach. U toj ža čas rasijskija ŚMI pačali masava publikavać naviny pra hetuju psieŭdaakcyju.
Reahujučy na fejkavy fłešmob, ukrainskija karystalniki sacyjalnych sietak pačali kpić z botaŭ. Jany pisali humarystyčnyja pasty, u styli «Piv krajini vžie bieź jelektro charčuvańnia, vžie sieči niemaje tierpiti ci piekielni borošna!» i «Niemaje sieči tierpiti ci borošna bieź śvitła. Ukrajinci chočuť śvitu, a nie vijni». Heta aŭtamatyčny pierakład z pamyłkami fraz z ruskaj movy: «Poł strany užie biez elektropitanija, užie moči niet tierpieť eti adskije muki!» dy «Niet moči tierpieť eti muki bieź śvieta. Ukraincy chotiat mira, a nie vojny».
Hetyja frazy ŭžo stali miemami, bo ŭkraincy nie raz «łavili» rasijskich botaŭ, jakija pišuć pa-ŭkrainsku, na takich pamyłkach.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary