Pad Minskam možna niadoraha kupić sapraŭdnaje bambaschovišča savieckich časoŭ
Bunkier, vystaŭleny na prodaž, znachodzicca za 10 km ad MKADa ŭ pasiołku Dačny pad Minskam. U 1980-ch tam zachoŭvalisia rakietna-artyleryjskija bojeprypasy, a ŭ 2020-m stratehičny budynak pradali na dziaržaŭnym aŭkcyjonie, piša Sputnik. Z taho času jon nieadnarazova pierachodziŭ z ruk u ruki.
Samo bambaschovišča — zakapany na 4,5 mietra pad ziamloj žalezabietonny zvod płoščaj 85 «kvadrataŭ». Na pavierchni jość dva ŭvachody, adzin ź jakich zavaleny śmiećciem, a da druhoha treba prabiracca praz zaraśniki.
Bunkier pabudavali vajskoŭcy ŭ 1984 hodzie. Z tych časoŭ abjekt ni razu nie ramantavaŭsia, ale stan jaho dahetul vielmi dobry.
Pamiaškańnie zamykajecca na masiŭnyja hiermadźviery. Kab adčynić ich, spatrebicca prykłaści niamała namahańniaŭ. Adrazu za dźviaryma — spusk na hłybiniu bolš za čatyry mietry, a dalej — jašče dva prajomy dla dźviarej, jakija možna pastavić u vypadku realnaj pahrozy. Taŭščynia žalezabietonnych ścienaŭ — 1 mietr, vyšynia stolaŭ — 2,7 mietra.
Siudy prakładzienyja kamunikacyi dla elektryčnaści, jość ahrehaty dla vientylacyjnaj sistemy. Jany nie padłučanyja, ale ŭ pracoŭnym stanie. Taksama ŭ bambaschoviščy jość tualet sa spraŭnaj kanalizacyjaj. Adnačasova ŭ bunkiery mohuć znachodzicca kala 80 čałaviek.
U 2020 hodzie abjekt pradali na dziaržaŭnym aŭkcyjonie za simvaličnuju sumu — dźvie tysiačy dalaraŭ. Pieršy ŭłaśnik akulturyŭ terytoryju płotam i płanavaŭ pabudavać tut saŭnu, stylizavanuju pad bunkier. Ale ŭ vyniku zrazumieŭ, što nie paciahnie, i vystaviŭ na prodaž. Nastupny ŭładalnik dziejničaŭ pa takoj ža schiemie — kupiŭ niadoraha, niejki čas vykarystoŭvaŭ pamiaškańnie ŭ jakaści składa budmateryjałaŭ, a potym pradaŭ krychu daražej.
Zaraz bambaschovišča vystaŭlena na prodaž za 14 tysiač dalaraŭ. Razam z budynkam pradajecca ŭčastak płoščaj 4,35 sotki, na jakim možna pabudavać što-niebudź nievialikaje: łaźniu, chleŭ, haraž.
U ahienctvie nieruchomaści tłumačać, što pamiaškańnie možna vykarystoŭvać dla kvestaŭ, zachoŭvańnia bujnahabarytnych rečaŭ, zony adpačynku abo drobnaj vytvorčaści. «Pa rynkavych cenach jano sapraŭdy nie darahoje», — kanstatuje ryełtarka.
Zapatrabavanaść takich abjektaŭ, pa jaje słovach, vyrasła na fonie zajaŭ pra jadziernyja ataki. Kožny dzień telefanujuć patencyjnyja klijenty, prychodziać zajaŭki na demanstracyju bunkiera.
Praŭda, praz try miesiacy zbudavańnie tak pakul i nie pradadziena.
Pavodle źviestak MNS, u Biełarusi bolš za piać tysiač roznych zakrytych zbudavańniaŭ, jakija možna vykarystoŭvać dla schovišča ŭ vypadku ŭ tym liku i rakietnych udaraŭ. Jak praviła, hetyja pamiaškańni znachodziacca na pradpryjemstvach i ŭ padvałach šmatkvaternych damoŭ. Ale budynkaŭ takoha typu, jakija stajać asobna, zusim niašmat.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
a hipierhukavaja bombačka, kažuć, dastaje luby bunkier na luboj hłybini
ale jakaja samaja hałoŭnaja ŭraźlivaść bunkieraŭ? ha, mužyčkI?
tamu akažu sama. (kali NN dazvolić))
hałoŭnaja ŭraźlivaść bunkieraŭ (asabliva samych krutych) u tym, što ichnaje miescaznachodžańnie nijak nie skryješ
ot ružža možiet i spasiet. a ot bombočki osobienno atomnoj skorieje vsieho niet