Premiju Aniempadystava prysudzili Anatolu Łazaru za vokładku knihi «NIErasstralanyja»
Sioletnim łaŭreatam premii staŭ Anatol Łazar, viadomy pad tvorčym psieŭdanimam Wiecier Mechaniczny. Kniha, da jakoj jon stvaryŭ vokładku, pryśviečanaja biełaruskim litarataram, zabitym u 1937 hodzie.
«NIErasstralanyja» — heta vieličezny i vielmi značny prajekt, što da biełaruskaj historyi i kultury, — napisała na svajoj staroncy ŭ fejsbuku staršynia Biełaruskaha PENa Taciana Niadbaj. — Hety tom maje być u biblijatecy sučasnaha kulturnaha biełarusa. A dziakujučy vokładcy, jaho pryjemna brać u ruki i pavažna trymać na paličcy. Talent dyzajniera ŭ tym, kab vizualizavać hodnaść, trahičnaść i šlachietnaść źmiestu. Heta zroblena dalikatna i filihranna praz mocnuju hrafičnuju abstrakcyju, koler, šryft, kampazicyju. Daskanały prajekt u adpaviednaj vokładcy».
Taksama Anatol Łazar staŭ pieramožcam «Vybar Biełsatu» za vokładku da knihi Ivana Mieleža «Ludzi na bałocie».
Premija za najlepšuju knižnuju vokładku zasnavanaja ŭ 2019 hodzie ŭ pamiać pra mastaka, dyzajniera i paeta Michała Aniempadystava. Uznaharoda prysudžajecca biełaruskamu aŭtaru abo kamandzie aŭtaraŭ vokładki. Žury aceńvaje dyzajn, palihrafičnaje vykanańnie i adpaviednaść afarmleńnia źmiestu knihi.
Inicyjatyva adznačać najlepšuju vokładku da biełaruskaj knihi naležyć Biełaruskamu PENu sumiesna ź Biełaruskim sajuzam dyzajnieraŭ i Latučym universitetam, a taksama Biełsat TV, Fundacyi Open Culture i H&L Group.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary