Adzin z kiraŭnikoŭ RT u efiry zaklikaŭ «tapić i spalvać» ukrainskich dziaciej
A ministr zamiežnych spraŭ Ukrainy Dźmitryj Kuleba zapatrabavaŭ spynić viaščańnie Russia Today pa ŭsim śviecie.
Dyrektar pa viaščańni ruskamoŭnaj viersii kanała Anton Krasoŭski u razmovie ź piśmieńnikam Siarhiejem Łukjanienkam prapanavaŭ tapić ŭkrainskich dziaciej, jakija ličać, što terytoryja Ukrainy akupavanaja Rasijaj.
Łukjanienka raspavioŭ, što ŭ 1980-m hodzie jašče dziciem apynuŭsia va Ukrainie, i ŭkrainskija ruskamoŭnyja dzieci jamu raspaviadali, što Ukraina akupavanaja «maskalami».
Meanwhile on Russia's state-funded RT, director of broadcasting Anton Krasovsky suggests drowning or burning Ukrainian children, makes hideous comments about the rapes by Russian soldiers in Ukraine, says Ukraine should not exist and Ukrainians who resist Russia should be shot. pic.twitter.com/BGIaBNok4v
«A prosta tapić takich treba było ŭ Tysynie, tam, dzie płynie kača. Prosta tapić hetych dziaciej, tapić… Voś skazaŭ, što akupavali maskali, i adrazu kinuć u raku z bujnym ciačeńniem», —prapanavaŭ viadučy.
Piśmieńnik na heta adkazaŭ, što dla hetaj mety «tradycyjna vykarystoŭvali rozhi».
Krasoŭski, u svaju čarhu, prapanavaŭ zabivać dziaciej u «śmierekovaj chacie» ŭ Karpatach i palić.
Jon taksama zajaviŭ, što Ukrainy «naohuł nie pavinna isnavać».
Łukjanienka zapiarečyŭ, što Ukraina pavinna isnavać, ale tam «zastaniecca vialikaja kolkaść ludziej, ź jakimi nie chaciełasia b žyć u adnoj dziaržavie».
«Nu rasstralajem», — adkazaŭ viadoŭca.
Padčas razmovy jon taksama vykazaŭ mierkavańnie, što ŭkrainskija žančyny «trunnyja b jašče ŭsio patracili na toje, kab ich hvałtavali ruskija sałdaty».
Paźniej Krasoŭski vybačyŭsia za svaje zakliki. Jon skazaŭ, što «niejak nie ŭbačyŭ hetaj miažy pra dziaciej».
«Nu byvaje tak: siadziš u efiry, ciabie niasie. I ty nie možaš spynicca. Ja prašu prabačeńnia va ŭsich, chto ačmureŭ ad hetaha… Spadziajusia, vy mnie darujecie», — napisaŭ Krasoŭski ŭ svaim telehram-kanale.
Za takija vykazvańni jaho zvolnili z kanała, paviedamiła jaho hałoŭny redaktar Marharyta Simańjan. «Vykazvańnie Antona Krasoŭskaha dzika i ahidna», — napisała jana.
Kiraŭnik MZS Ukrainy Dźmitryj Kuleba, u svaju čarhu, zaklikaŭ krainy śvietu zabaranić viaščańnie Russia Today. «Voś na čyj bok vy stanoviciesia, kali dazvalajecie RT pracavać u vašych krainach. Ahresiŭnaje padbuchtorvańnie da hienacydu (my addamo hetaha čałavieka pad sud za heta), jakoje nie maje ničoha ahulnaha sa svabodaj słova. Zabaranicie RT va ŭsim śviecie!», — zaklikaŭ Kuleba.
-
Jemienskija chusity zachapili stratehičnyja astravy Bab-el-Mandebskaha praliva. Adzin z najbujniejšych handlovych šlachoŭ faktyčna apynuŭsia pad kantrolem bajevikoŭ
-
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki
-
Kiraŭniki Šatłandyi, Uelsa i Paŭnočnaj Irłandyi abjadnoŭvajucca dla vychadu sa składu Vialikabrytanii
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1717
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki17
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary