Sałdat terminovaj słužby sapraŭdy pakinuŭ terytoryju palihona, ale jon nie ŭciok, a zhubiŭsia
Krynica, blizkaja da vajskovaj čaści 3214, raskazała telehram-kanału «MotolkoPomohi», što na samaj spravie adbyłosia siońnia na palihonie ŭnutranych vojskaŭ MUS Biełarusi kala vioski Akolica ŭ Minskim rajonie.
Pavodle śviedčańnia krynicy, sałdat terminovaj słužby Mikita Jurjevič V. z vajskovaj čaści 3214 unutranych vojskaŭ MUS RB u rajonie 13:30 sapraŭdy pakinuŭ raźmiaščeńnie palihona, ale zrabiŭ heta nie śpiecyjalna — jon prosta zhubiŭsia.
Paviedamlajecca, što kali sałdaty chadzili na pierakur, to adzin z tavaryšaŭ pa słužbie adstaŭ, a inšyja ŭžo paśpieli viarnucca na palihon. Nie viedajučy, kudy iści, sałdat razam sa svaim aŭtamatam prosta pajšoŭ nie ŭ tym kirunku.
Bolš za toje, pa słovach krynicy, dla taho, kab jaho znajści, na terytoryi ŭsioj Minskaj vobłaści navat ŭvodzili płan «Sirena». U vyniku praz paru hadzin sałdata znajšli.
Uviečary infarmacyju ab uciokach pačaŭ abviarhać kanał UUS Hrodzienskaha abłvykankama. Pryčyna hetaha ŭ tym, što sałdat, ź jakim zdaryłasia heta nieparazumieńnie, rodam z Vaŭkavyskaha rajona.
Kamientary