Viarchoŭny sud pakinuŭ u sile śmiarotny pryhavor, vyniesieny Vasilu Juzepčuku
Pakinuty ŭ sile śmiarotny pryhavor, vyniesieny Vasilu Juzepčuku. Takoje rašeńnie pryniała 2 kastryčnika kalehija Viarchoŭnaha sud pavodle vynikaŭ razhladu kasacyjnaj skarhi pa jaho spravie.
29 červienia Brescki abłasny sud pryhavaryŭ 30‑hadovaha žychara Drahičynskaha rajona Vasila Juzepčuka da pakarańnia śmierciu za ŭčynieńnie sieryi zabojstvaŭ sastarełych žančyn, jaho 28‑hadovaha saŭdzielnika Siarhieja Hučenku — da pažyćciovaha źniavoleńnia z adbyvańniem pakarańnia ŭ papraŭčaj kałonii asablivaha režymu. Juzepčuk svajoj viny nie pryznaŭ.
U Juzepčuka jość 10 dzion, kab padać prašeńnie ab pamiłavańni na imia prezidenta.
Juzepčuk pryznany vinavatym va ŭčynieńni złačynstvaŭ, praduhledžanych pp. 12, 15, 16 č. 2 art. 139 (zabojstva pry abciažarvalnych abstavinach), čč. 2 i 3 art. 207 (razboj), Hučenka — va ŭčynieńni złačynstvaŭ, praduhledžanych pp. 12, 15, 16 č. 2 art. 139 i č. 3 art. 207 Kryminalnaha kodeksa.
U sudzie było ŭstanoŭlena, što ź listapada 2007 pa studzień 2008 hadoŭ złačyncy ŭčynili ŭ Drahičynskim rajonie čatyry zabojstvy sastarełych adzinokich žančyn. Jašče dva anałahičnyja zabojstvy Juzepčuk učyniŭ u adzinočku.
Akramia taho, sud paličyŭ dakazanym učynieńnie apošnim razboju na terytoryi Hrodzienskaj vobłaści.
Usie zabojstvy byli ŭčynieny z metaj zavałodańnia hrašovymi srodkami žančyn.
Uzrost piaci ź ich byŭ bolšy za 70 hadoŭ.
Dvojčy sudzimy Juzepčuk byŭ znajomy sa svaimi achviarami (padrablaŭ u ich na haspadarcy). Kali žančyny zaprašali jaho ŭ dom, imknuŭsia daviedacca, dzie jany zachoŭvajuć hrošy. U damy achviar złačyncy pranikali nočču. Juzepčuk dušyŭ žančyn, saŭdzielnik utrymlivaŭ, nie dajučy supraciŭlacca.
Kamientary