Dyjaspara Biełastoka źbiraje podpisy, kab arhanizavać uroki biełaruskaj movy dla školnikaŭ ź Biełarusi
Inicyjatary pačali kampaniju 3 kastryčnika. Jaje meta — arhanizavać zaniatki pa biełaruskaj movie ŭ polskich škołach, paviedamlaje Mostmedia.io.
Čamu inicyjatyva ŭźnikła
Biełaruskuju movu ŭ Biełastoku z usich škoł ciapier vykładajuć tolki ŭ čaćviortaj. Pryčym vyvučać jaje mohuć tolki pradstaŭniki biełaruskaj nacyjanalnaj mienšaści — tyja dzieci, čyje baćki majuć polskaje hramadzianstva i ličać siabie biełarusami.
Padčas apošniaj chvali emihracyi ŭ Polščy apynulisia mnohija biełarusy, jakija chacieli b zabiaśpiečyć dziaciej zaniatkami biełaruskaj movaj. Ale jany nie majuć polskaha hramadzianstva, tamu nie mohuć nakiravać dziaciej u biełastockuju škołu №4 z mahčymaściu vučyć biełaruskuju movu.
— Ale my ličym, što viedać rodnuju movu, litaraturu, kulturu — nadzvyčaj važna, — adznačajuć inicyjatary. Tamu i abviaścili zbor zajaŭ u Departamient adukacyi ab arhanizacyi zaniatkaŭ biełaruskaj movaj dla dziaciej pradstaŭnikoŭ biełaruskaj dyjaspary.
Jak padtrymać
Kali vy chočacie dałučycca da kampanii, kali łaska, zapoŭnicie zajavu i pryniasicie ŭ MediaPortBelarus u Biełastoku pa adrasie: Sienkiewicza 44. Možacie padpisać zajavu adrazu na miescy — razdrukavanyja formy čakajuć vas u MediaPortBelarus.
Paśla inicyjatary adniasuć zajavy ŭ Departamient adukacyi.
Zajavy źbirajuć da 24 kastryčnika. MediaPortBelarus pracuje z 9 da 18 hadzin u pracoŭnyja dni.
Paśla taho, jak dyjaspara atrymaje adkaz ad Departamienta, inicyjatary arhanizujuć sustreču, na jakoj abmiarkujuć nastupnyja kroki.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary