U zvarocie, zapisanym paśla čarhovaj varvarskaj ataki rasijskich vojskaŭ na abjekty ŭkrainskaj hramadzianskaj infrastruktury, Cichanoŭskaja havoryć pra toje, što Abjadnany pierachodny kabiniet hatovy da supracy z Ukrainaj i ŭstanaŭleńnia dypłamatyčnych i palityčnych adnosinaŭ.
«Ja vieru, što Rasija atrymaje parazu, a Ukraina adnović svaju terytaryjalnuju cełasnaść i abaronić niezaležnaść. Biełarusy ŭvieś hety čas buduć z narodam Ukrainy. Biełarusy — heta nie Łukašenka. Łukašenka — hańba majoj krainy. Što Łukašenka abvieścić zaŭtra ci paślazaŭtra — nieviadoma, bo jon užo nie prymaje rašeńni, za jaho heta robić Kreml.
Tamu Biełaruś pavinna vyjści z vajennych, palityčnych i ekanamičnych sajuzaŭ z Rasijaj, jakija padryvajuć nacyjanalnyja intaresy našaj krainy.
Spadar prezident Zialenski, u adnym sa zvarotaŭ vy skazali: «My nie prosim śviet zmahacca zamiest nas, my prosim dać nam dapamohu». Biełarusy taksama nie prosiać zmahacca zamiest nas. My prapanujem Ukrainie i ŭkrainskamu narodu zbudavać aljans z demakratyčnaj Biełaruśsiu. Abjadnany pierachodny kabiniet hatovy da supracy z Ukrainaj i ŭstalavańnia dypłamatyčnych i palityčnych adnosin. My hatovyja dziejničać razam z Ukrainaj», — adznačyła Cichanoŭskaja.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary