Papa Francišak raskazaŭ pra svoj udzieł u najbujniejšym abmienie pałonnymi pamiž Ukrainaj i Rasijaj
Papa Rymski Francišak spryjaŭ najbujniejšamu z pačatku poŭnamaštabnaj vajny abmienu vajennapałonnymi pamiž Rasijaj i Ukrainaj. Jak paviedamlaje La Civiltà Cattolica, pra heta Francišak raskazaŭ padčas sustrečy ź jezuitami ŭ Kazachstanie jašče 15 vieraśnia, ale padrabiaznaści razmovy stali viadomyja tolki ciapier.
«Da mianie pryjazdžali niekatoryja ŭkrainskija pasłancy… Taksama prybyŭ vajskovy načalnik, adkazny za abmien pałonnymi, znoŭ ža z relihijnym daradcam prezidenta Zialenskaha. Hetym razam mnie prynieśli śpis z bolš čym 300 źniavolenymi. Jany prasili mianie zrabić niešta, kab pravieści abmien.
Ja adrazu ž patelefanavaŭ rasijskamu ambasadaru, kab daviedacca, ci možna niešta zrabić, ci možna paskoryć abmien pałonnymi», — raskazaŭ Francišak.
Jon taksama paŭtaryŭ, što nie raz asudžaŭ vajnu Rasii suprać Ukrainy, niahledziačy na krytyku jaho niekatorych zajavaŭ z hetaj nahody.
«Ja nazvaŭ uvarvańnie va Ukrainu nieprymalnaj, ahidnaj, biessensoŭnaj, varvarskaj, bluźnierskaj ahresijaj… Čytajcie ŭsie zajavy!» — skazaŭ Papa.
«Idzie vajna, i ja liču, što pamyłkova dumać, što heta kaŭbojski film, dzie jość dobryja i drennyja.
I taksama pamyłkova ličyć, što heta vajna pamiž Rasijaj i Ukrainaj, i ŭsio. Nie: heta suśvietnaja vajna», — vykazaŭ mierkavańnie pantyfik.
Najbujniejšy abmien pałonnymi pamiž Ukrainaj i RF adbyŭsia 21 vieraśnia. Z rasijskaha pałonu viarnulisia 215 abaroncaŭ Ukrainy. Ich abmianiali na kuma Pucina Viktara Miedźviadčuka i 55 rasijskich pałonnych.
-
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki
-
Kiraŭniki Šatłandyi, Uelsa i Paŭnočnaj Irłandyi abjadnoŭvajucca dla vychadu sa składu Vialikabrytanii
-
U Vilni padymali źniščalniki NATA — praź vierahodny zalot drona. Paźniej vyśvietliłasia, što heta było
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks15
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu77
Kamientary
ale ničoha nie pieraškodziła potym u Kazachstan prylacieć