«My pavinny ŭmacoŭvać adnosiny ź siabrami». Łukašenka nasamreč u samaabvieščanaj respublicy Abchazija
Ahienctva «Apsnypres» paćvierdziła vizit Alaksandra Łukašenki ŭ samaabvieščanuju respubliku Abchazija, jano ž apublikavała fota z sustrečy Łukašenki z abchazskim prarasijskim kiraŭnikom Asłanam Bžanijaj. Vizit Łukašenki ŭ samaabvieščanuju respubliku moža mieć nastupstvam razryŭ adnosin z Hruzijaj.
«Na paviestcy — pytańni dvuchbakovaha supracoŭnictva, handlova-ekanamičnaha ŭzajemadziejańnia, analiz mižnarodnaj situacyi, biahučych vyklikaŭ i pahroz», — piša vydańnie.
Pa słovach Łukašenki, jaho pryjezd u Abchaziju nie źviazany ź niejkaj asablivaj situacyjaj, pieradaje vydańnie.
«U nas narmalnaja situacyja. My nie pakutujem na nijakuju hieapalityku. My prosta, jak i vy, mirny, dobry, pracavity narod i chočam žyć u zhodzie. A ekanomika, handlova-ekanamičnyja suviazi pavinny stać padmurkam našych adnosin. Inšaha nie dadziena», — adznačyŭ Łukašenka.
Jon prapanavaŭ abmierkavać toje, jak žyć dalej, i jak umacoŭvać adnosiny.
«Ja čałaviek daśviedčany, šmat hadoŭ u palitycy. Pahavorym, padumajem, jak žyć dalej. Hałoŭnaje, kab narod tut žyŭ hodna, tamu što heta rajski kutok ziamli, a ludzi tut śviatyja. Ja heta pamiataju jašče z savieckich časoŭ, kali tut byvaŭ. Tamu my chočam naładzić nie prosta most družby, a vielmi surjoznyja adnosiny», — padkreśliŭ Łukašenka.
Jon adznačyŭ, što Biełaruś i Rasija ŭzhadniajuć svaje dziejańni.
«Rasija hatovaja padstavić svajo plačo. Napeŭna, nastaŭ čas. My siońnia jak nikoli ŭbačyli, jakim staŭ śviet. Nam spakojna žyć nie daduć. Tamu my pavinny ŭmacoŭvać adnosiny ź siabrami», — skazaŭ jon.
Asłan Bžanija pahadziŭsia, što situacyja ŭ śviecie vielmi składanaja.
«My ŭvažliva adsočvajem padziei, jakija adbyvajucca ŭ śviecie. Kožnaha hramadzianina Abchazii heta chvaluje. Vy, napeŭna, viedajecie pra toje, što našy hramadzianie vajujuć na Danbasie. Jość, na žal, i zahinułyja hramadzianie Abchazii», — skazaŭ Bžanija.
Dalej sustreča praciahnułasia za začynienymi dźviaryma.
Napiaredadni ŚMI paviedamili, što ŭ Abchaziju ź nieaficyjnym vizitam prybyŭ Alaksandr Łukašenka. Adnak aficyjnych paćviardžeńniaŭ nie było.
26 vieraśnia Alaksandr Łukašenka prylacieŭ u Sočy z pracoŭnym vizitam da prezidenta Rasii Uładzimira Pucina. Nastupnyja dva dni nijakich navin pra jaho vizit nie było. Pres-sakratar Kramla Piaskoŭ skazaŭ, što nibyta sustreča Pucina i Łukašenki praciahvajecca.
Vizit Łukašenki ŭ samaabvieščanuju respubliku moža mieć nastupstvam razryŭ adnosin z Hruzijaj.
Ciapier čytajuć
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary
Nastupny krok — supracoŭnictva z Talibanam?