U Biełarusi spyniŭ pracu i likvidavany miascovy dabračynny fond «Safmar». Jaho zasnavalnikam z 2018 hoda źjaŭlaŭsia Rasijski dabračynny fond «Safmar» Michaiła Hucyryjeva, piša Office Life.
U siaredzinie vieraśnia arhanizacyja, zarehistravanaja ŭ ahraharadku Šaršuny, była vykraślenaja z adzinaha dziaržrehistra subjektaŭ haspadarańnia Biełarusi.
Jak i maciarynskaja struktura, Biełaruski fond zajmaŭsia padtrymkaj prajektaŭ u adukacyi, sporcie, achovie zdaroŭja. U 2020 hodzie jon prafinansavaŭ budaŭnictva pravasłaŭnaha chrama ŭ ahraharadku Novaja Huta ŭ Homielskim rajonie. Na toj momant u štacie arhanizacyi pracavali try čałavieki.
Što tyčycca rasijskaha «Safmara», to jon praciahvaje dziejnaść.
Rasijski aliharch Michaił Huceryjeŭ 21 červienia 2021 hoda trapiŭ pad sankcyi ES suprać Biełarusi, uviedzienyja ŭ tym liku ŭ suviazi z vymušanaj pasadkaj rejsa Ryanair u Minsku, na jakim lacieŭ Raman Pratasievič. Rada ES patłumačyła ŭviadzieńnie sankcyj suprać rasijskaha biznesmiena tym, što jon daŭni siabar Łukašenki i dziakujučy hetamu maje ŭpłyŭ na palityčnyja elity Biełarusi.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary