Kiraŭnik Čačni Ramzan Kadyraŭ abviaściŭ učora na naradzie z apierštabam pa praviadzieńni «śpiecapieracyi», što ŭ respublicy nie budzie mabilizacyi.
Pa śćviardžeńni Kadyrava, za čas vajny va Ukrainie ŭdzieł u bajavych dziejańniach pryniali 20 tysiač čačencaŭ, tamu Čačnia ŭžo «pieravykanała spuščany płan na 254%».
Što heta za płan, jon nie ŭdakładniŭ.
Kiraŭnik respubliki taksama raspavioŭ pra antyvajenny mitynh, jaki sprabavali pravieści 21 vieraśnia žančyny ŭ Hroznym. Kadyraŭ śćviardžaje, što svajaki kala 40 žančyn, jakija mitynhavali, užo mabilizavanyja i adpraŭlenyja va Ukrainu. Jon taksama pryhraziŭ, što luboha, chto vyjdzie na mitynh, abo ich mužoŭ i ŭsich dziaciej buduć adpraŭlać «na pieradavuju».
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary