Śpiecsłužby pry pieratrusie znajšli ŭ Sachaščyka rasijski pašpart. Jak heta tłumačyć sam aficer?
U redakcyi niedziaržaŭnych ŚMI pryjšła rassyłka z «ekskluziŭnaj infarmacyjaj» — imavierna, śpiecsłužbisty pry vobšuku znajšli rasijski pašpart u Valeryja Sachaščyka. Fota dakumienta supravadžajecca historyjaj, jak Sachaščyk nibyta «nasamreč» žyvie i pracuje ŭ Rasii. «Naša Niva» spytała ŭ padpałkoŭnika, adkul u jaho pašpart.
«Na momant razvału Savieckaha Sajuza ja słužyŭ pad jurysdykcyjaj Rasii i aŭtamatyčna, jak aficer, atrymaŭ hramadzianstva Rasii. Jak i ŭsie ŭ studzieni 1992-ha, chto dzie byŭ, atrymali pašparty dziaržavaŭ pa miescy dysłakacyi.
Ščyra kažučy, ja nie pamiataju navat, dzie hety pašpart valajecca, imavierna, jaho znajšli pry vobšuku ŭ biełaruskim domie i orhany sprabujuć ciapier padać heta, jak «kampramat», ale ja nie baču tut nijakaha skandału.
Pra hety pašpart ja ŭspomniŭ na pačatku 2010-ch, kali šmat pracavaŭ i kataŭsia ŭ Afrycy jak biznesmien-budaŭnik. Z rasijskim pašpartam možna było zajazdžać u bolšaść krain bieź vizy, a ź biełaruskim — kožny raz padavacca ŭ pasolstvy ŭ Maskvie.
Tamu ja jaho pieraatrymaŭ u 2012-m i zabyŭ pra jaho, kali skončyŭsia afrykanski etap majho žyćcia.
U Rasii ja daŭno nie byŭ i nijakich spravaŭ tam nie viadu. Žyvu ja sa svaim biełaruskim pašpartam», — adkazaŭ Sachaščyk.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ88
Kamientary