Dyrektar CRU: Uvarvańnie va Ukrainu — pravał, jaki naškodzić pakaleńniam rasijan
Uiljam Biorns ličyć, što Uładzimir Pucin «hłyboka pamylajecca ŭ svaich zdahadkach», piša The Guardian.
Kiraŭnik CRU zajaviŭ, što ŭvarvańnie Uładzimira Pucina va Ukrainu ŭžo možna ličyć pravalnym, bo ŭkrainskija vojski praciahvajuć kontrnastupleńnie suprać rasijskich akupacyjnych sił na paŭnočnym uschodzie krainy.
«Staŭka Pucina ciapier u tym, što jon budzie bolš žorstkim, čym ukraincy, jeŭrapiejcy, amierykancy… Ja liču, i maje kalehi ŭ CRU ličać, što Pucin pamylajecca ŭ hetaj staŭcy hetak ža, jak jon hłyboka pamylaŭsia ŭ svaich zdahadkach, zroblenych jašče ŭ lutym minułaha hoda adnosna voli Ukrainy da supracivu», — skazaŭ Biorns na kanfierencyi ŭ Vašynhtonie, jaho słovy pieradaje New York Times.
«Uvarvańnie pakazała nie tolki słabaść rasijskaj armii… Jano naniasie doŭhaterminovuju škodu rasijskaj ekanomicy i pakaleńniam rasijan», — skazaŭ jon.
Zamiest doŭhačakanaj kontrataki ŭ Chiersonskaj vobłaści na poŭdni, asnoŭnaja ŭvaha ŭkrainskich siłaŭ była nadadzienaja Charkavu na paŭnočnym uschodzie, što pryviało da ŭziaćcia Bałaklei, horada z nasielnictvam 27 tysiač čałaviek.
Nastupnaj bujnoj ŭkrainskaj cellu, imavierna, stanie horad Kupiansk, jaki byŭ akupavany Rasijaj ź pieršych dzion vajny. U čaćvier rasijskija akupacyjnyja ŭłady zajavili, što płanujuć evakujavać žančyn i dziaciej z Kupianska, spasyłajučysia na ŭdary ŭkrainskaj artyleryi pa horadzie.
Instytut vyvučeńnia vajny zajaviŭ, što ŭkrainskija vojski mohuć viarnuć horad na praciahu bližejšych troch dzion. Uziaćcie horada parušyć kamunikacyi pamiž akupavanymi rajonami i «abciažaryć namahańni Rasii ŭ padtrymcy nastupalnych i abarončych apieracyj», — zajavili ŭ instytucie.
Čytajcie jašče:
«My ŭžo prajhrali, astatniaje — pytańnie času»: rasijskija błohiery źmianili ton
Ukrainskija vojski zaniali Siańkova, daroha Izium—Kupiansk pierarezanaja
Rasijski aliharch prapanavaŭ Ukrainie miljard dalaraŭ
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? Jaje abvinavačvajuć u Estonii ŭ machlarstvie, aryštavali 1,8 młn jeŭra na jaje rachunkach14
Kamientary