Miljarder Michaił Frydman, jaki znachodzicca pad sankcyjami Vialikabrytanii i Jeŭrasajuza, prapanavaŭ pieravieści miljard dalaraŭ ukrainskamu Alfa-banku. Pra heta paviedamlaje The Wall Street Journal.
Pa słovach krynic vydańnia, prapanova Frydmana nakiravanaja na toje, kab pierakanać Vialikabrytaniju admianić abmiežavańni, jakija byli ŭviedzienyja suprać jaho.
Nienazvanyja čynoŭniki ZŠA zajavili haziecie, što inicyjatyva Frydmana — adna z tych prapanoŭ, jakija biznesmieny, banki i kampanii, jakija trapili pad sankcyi, tajemna robiać uładam zachodnich krain, jakija finansujuć adnaŭleńnie Ukrainy paśla rasijskaha ŭvarvańnia.
Ukrainski Alfa-bank prapanavaŭ Nacbanku krainy dazvolić Frydmanu pieravieści na rachunki finansavaj arhanizacyi miljard dalaraŭ sa svajho asabistaha rachunka, paviedamiŭ staršynia nahladalnaj rady banka Raman Špiek. Pavodle jaho słoŭ, hetyja hrošy pojduć na finansavańnie prajektaŭ va Ukrainie.
Ale va ŭkrainskim banku admaŭlajuć, što metaj prapanovy było asłableńnie sankcyj suprać Frydmana.
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno5
Kamientary