Andrej Januškievič paabiacaŭ, što ŭsie zapłanavanyja jaho vydaviectvam knihi vyjduć
Zasnavalnik vydaviectva «Januškievič» padzialiŭsia śpisam knih, jakija musili vyjści hetym letam, ale tak i nie vyjšli z-za viadomych travieńskich padziej, dadaŭšy, što «ŭsie knihi abaviazkova źjaviacca na śviet».
Voś śpis vydańniaŭ, jakija musili pabačyć śviet u vydaviectvie «Januškievič» hetym letam:
1. Džordž Orueł «Fierma žyviołaŭ» (niama čaho dadać).
2. Kormak Makkarci «Daroha» (najlepšaja postapakaliptyka 21 stahodździa).
3. Aleś Kudrycki «Kazik z Kamiennaj Horki i viadźmar Schavanaha horada» (biełaruskaje fentezi dla padletkaŭ).
4. Sali Runi «Razmovy ź siabrami» (suśvietny biestsieler sučasnaści).
5. Ernest Cheminhuej «I ŭzychodzić sonca (Fijesta)» (hety raman zrabiŭ aŭtara znakamitym).
6. Frensis Skot Ficdžerald «Vialiki Hetśbi» (niama čaho dadać).
7. Erych Maryja Remark «Čorny abielisk» (biez kamientaryjaŭ).
8. Pavieł Vołotovič, Aleksiej Kovalev «Minsk tusovočnyj 90-ch» (ubojnaja kniha pra niefarmalny horad).
9. «Pieśnia pieśniaŭ», pierakład Siarhieja Šupy (słynnaja starabiblejskaja kniha).
«Ci źbiadnieŭ biełaruski knižny rynak ad [niavychadu] hetaha? Pakiniem hetaje pytańnie biez adkazu. Zatoje ničoha škodnaha nie vyjšła, i dziaržava moža spać spakojna. Ale ŭsie knihi biezumoŭna źjaviacca na śviet. Čytačy mohuć spać spakojna», — napisaŭ Andrej Januškievič.
Pieraličanyja, a taksama mnohija inšyja knihi nie vyjšli praz toje, što ŭ adkrytuju vydaviectvam kniharniu «Knihaŭka» ŭ pieršy ž dzień pryjšli dziaržaŭnyja prapahandysty, paśla čaho ŭ joj adbyŭsia pieratrus, a Andrej Januškievič i supracoŭnica kramy Nasta Karnackaja byli zatrymanyja i adbyli amal pa miesiacy aryštu.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ1
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary