Pamior viadomy navukoviec u halinie hieabataniki, intradukcyi raślin i sadova-parkavaha mastactva, aŭtar hruntoŭnych knih pra staražytnyja parki i siadziby roznych biełaruskich rehijonaŭ Anatol Fiedaruk. Pra heta ŭ fejsbuku paviedamiŭ žurnalist Uładzimir Bahdanaŭ. Anatolu Fiedaruku było 83 hady.
Anatol Fiedaruk naradziŭsia 1 krasavika 1939 hoda ŭ vioscy Chaby pad Brestam. U 1961 hodzie skončyŭ Brescki piedahahičny instytut.
3 1970 hoda pracavaŭ u Biełaruskim dziaržaŭnym univiersitecie, z 1976-ha — u Centralnym bataničnym sadzie zahadčykam łabaratoryi i namieśnikam dyrektara, z 1992-ha — u Biełaruskim piedahahičnym univiersitecie, spačatku zahadčykam kafiedry ahulnaj bijałohii, a paśla prafiesaram na hetaj kafiedry. Mieŭ stupień doktara bijałahičnych navuk.
Anatol Fiedaruk — aŭtar šmatlikich navukovych prac pa intradukcyi i aklimatyzacyi raślin, prablemach kulturfitacenozaŭ, papulacyj drevavych intraducentaŭ, repradukcyi kvietkava-dekaratyŭnych raślin i sadova-parkavaha mastactva.
Ale najbolšuju słavu i viadomaść jamu prynieśli pracy pa staražytnych parkach i siadzibach Biełarusi, jakija stali kłasičnymi ŭ svajoj halinie i bieź jakich nie abychodzicca nivodzin surjozny historyk ci ekskursavod. Hałoŭnyja pracy ŭ hetaj halinie: «Sadovo-parkovoje iskusstvo Biełoruśsii» (1989), «Starinnyje usad́by Minskoho kraja (2000); «Starinnyje usad́by Bieriestiejŝiny (2006).
-
DAI prapanuje zamianić nievialikija maršrutki aŭtobusami bolšaj umiaščalnaści
-
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
-
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
Ciapier čytajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć1
Kamientary
Spačuvańni.
A na našaj movie knihi byli?