«Jon asabista mnie rybku łaviŭ z sažałki, smažyŭ». Baleryna Vałačkova raskazała, jak haściavała ŭ Łukašenki, a paśla admoviła jamu
Skandalnaja i epatažnaja rasijskaja baleryna Anastasija Vałačkova dała intervju «Kamsamolskaj praŭdzie», dzie raskazała, jak jaje chacieŭ niekali zavabić u Minsk Łukašenka. Pahulać jana ŭ jaho pahulała, ale ŭ mahčymaściach stvaryć joj umovy dla tvorčaści zasumniavałasia.
Pa słovach Vałačkovaj, kali jaje zvolnili z maskoŭskaha Vialikaha teatra, to joj litaralna na nastupny dzień patelefanavaŭ Łukašenka i prapanavaŭ być prymaj-balerynaj teatra opiery i baleta ŭ Minsku.
Paśla hetaha «jon mianie zaprasiŭ da siabie, my tam z maimi siabrami na pryvatnym samalocie palacieli na hetuju sustreču, jon asabista mnie rybku łaviŭ z sažałki, tam smažyŭ… heta była takaja ciopłaja sustreča!»
Praŭda, pahaściavaŭšy ŭ Łukašenki, Vałačkova jamu admoviła. Pierad zamanlivymi prapanovami biełaruskaha praviciela jana «addała pieravahu Juryju Hryharoviču» dy pajechała «tancavać u jaho teatry ŭ Krasnadary, piać hadoŭ ja była tam prymaj-balerynaj». U Minsku joj, maŭlaŭ, takija tvorčyja ŭmovy prapanavać usio adno nie zmahli b.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?5
Kamientary