Na Nacyjanalnym pravavym partale apublikavany zakon №199-3 ad 20 lipienia «Ab źmienie Kryminalna-pracesualnaha kodeksa Respubliki Biełaruś», jakim uvodzicca śpiecyjalnaja vytvorčaść. Kaho i pa jakich artykułach buduć sudzić zavočna?
Śpiecyjalnaja vytvorčaść pa kryminalnaj spravie zavodzicca ŭ dačynieńni da abvinavačanaha, jaki znachodzicca za miažoj i ŭchilajecca ad jaŭki ŭ orhan, što viadzie kryminalny praces.
Zavočny sud moža pravodzicca na padstavie pastanovy śledčaha sa zhody prakurora albo na padstavie pastanovy prakurora pa kryminalnaj spravie, jakaja znachodzicca ŭ jaho vytvorčaści.
Heta tačycca abvinavačvańniaŭ pa nastupnych artykułach Kryminalnaha kodeksa:
- Art. 122. Padrychtoŭka albo viadzieńnie ahresiŭnaj vajny.
- Art. 123. Prapahanda vajny.
- Art. 124. Akt teraryzmu ŭ dačynieńni da pradstaŭnika zamiežnaj dziaržavy ci mižnarodnaj arhanizacyi.
- Art. 125. Napad na ŭstanovy, jakija karystajucca mižnarodnaj abaronaj.
- Art. 126. Akt mižnarodnaha teraryzmu.
- Art. 127. Hienacyd.
- Art. 128. Złačynstvy suprać biaśpieki čałaviectva.
- Art. 129. Vytvorčaść, nazapašvańnie albo raspaŭsiudžvańnie zabaronienych srodkaŭ viadzieńnia vajny.
- Art. 130. Raspalvańnie rasavaj, nacyjanalnaj, relihijnaj albo inšaj sacyjalnaj varožaści.
- Art 130-1. Reabilitacyja nacyzmu.
- Art. 130-2. Admaŭleńnie hienacydu biełaruskaha naroda.
- Art. 131. Ekacyd.
- Art. 132. Viarboŭka, navučańnie, finansavańnie i vykarystańnie najomnikaŭ.
- Art. 133. Najomnictva.
- Art. 134. Užyvańnie zbroi masavaha paražeńnia.
- Art. 135. Parušeńnie zakonaŭ i zvyčajaŭ vajny.
- Art. 136. Złačynnyja parušeńni normaŭ mižnarodnaha humanitarnaha prava padčas uzbrojenych kanfliktaŭ.
- Art. 137. Biaździejnaść ci addańnie złačynnaha zahadu padčas uzbrojenaha kanfliktu.
- Art. 289. Akt teraryzmu.
- Art. 290. č. 2. Pahroza ździajśnieńnia akta teraryzmu (ździejśnienaja paŭtorna, abo hrupaj asobaj pa papiaredniaj zmovie, abo jakaja paciahnuła ciažkija nastupstvy).
- Art. 290-1. Finansavańnie terarystyčnaj dziejnaści.
- Art. 290-2. Sadziejničańnie terarystyčnaj dziejnaści.
- Art. 290-3. Prachodžańnie navučańnia ci inšaj padrychtoŭki dla ŭdziełu ŭ terarystyčnaj dziejnaści.
- Art. 290-4. Stvareńnie arhanizacyi dla ažyćciaŭleńnia terarystyčnaj dziejnaści abo ŭdzieł u joj.
- Art. 290-5. Arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi.
- Art. 291. Zachop zakładnika.
- Art. 292. Zachop budynkaŭ i zbudavańniaŭ.
- Art. 293. Masavyja biesparadki.
- Art. 294. č. 4. Kradziež ahniastrelnaj zbroi, bojeprypasaŭ abo vybuchovych rečyvaŭ (ździejśnieny šlacham razboju ci vymahalnictva, abo arhanizavanaj hrupaj, abo dla ździajśnieńnia złačynstvaŭ pa artykułach 124-127, 131, 287, 289-292, 359 i 360 KK).
- Art. 295. č. 4. Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ (ździejśnienyja hrupaj abo z metaj złačynstva pa artykułach 124-127, 131, 287, 289-292, 359 i 360 KK).
- Art. 309. č. 4. Naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin (jakoje paciahnuła pa nieaściarožnaści śmierć čałavieka).
- Art. 311. č. 3. Vykradańnie albo zachop z metaj vykradańnia čyhunačnaha ruchomaha sastavu, pavietranaha abo vodnaha sudna (ździejśnienaje arhanizavanaj hrupaj, abo jakoje paciahnuła śmierć čałavieka ci pryčynieńnie ciažkaha cialesnaha paškodžańnia, abo z metaj złačynstvaŭ pa artykułach 124, 126, 289, 359 i 360 KK).
- Art. 322. č.3. Niezakonnyja nabyćcio, zachoŭvańnie, vykarystańnie abo zbyt albo razbureńnie radyjeaktyŭnych materyjałaŭ (ździejśnienyja ŭ metach złačynstvaŭ pa artykułach 124-127, 131, 287, 289-292, 359 i 360 KK).
- Art. 323. č. 3. Kradziež radyjeaktyŭnych materyjałaŭ (ździejśnieny šlacham razboju ci vymahalnictva, abo arhanizavanaj hrupaj, abo dla ździajśnieńnia złačynstvaŭ pa artykułach 124-127, 131, 287, 289-292, 359 i 360 KK).
- Art. 324. č. 3. Pahroza niebiaśpiečnym vykarystańniem radyjeaktyŭnych materyjałaŭ (učynienaja asobaj, jakaja raniej ździajśniała złačynstvy pa artykułach 124, 126, 289, 290, č. 4 art. 309, č. 3 art. 311, art. 359 i 360 KK).
- Art. 333. č. 2. Niezakonny abarot mocnadziejnych abo atrutnych rečyvaŭ (učynieny paŭtorna, abo hrupaj asobaŭ, abo šlacham razboju ci vymahalnictva, abo dla ździajśnieńnia złačynstvaŭ pa artykułach 124-127, 131, 287, 289-292, 359 i 360 KK).
- Art. 356. Zdrada dziaržavie.
- Art. 357. Zmova abo inšyja dziejańni, ździejśnienyja z metaj zachopu dziaržaŭnaj ułady.
- Art. 358. Špijanaž.
- Art. 358-1. Ahienturnaja dziejnaść.
- Art. 359. Akt teraryzmu ŭ dačynieńni da dziaržaŭnaha abo hramadskaha dziejača
- Art. 360. Dyviersija.
- Art. 361. Zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś.
Pa pastanovie Hienieralnaha prakurora abo staršyniaŭ Śledčaha kamiteta, Kamiteta dziaržaŭnaj biaśpieki i sa zhody hienprakurora śpiecyjalnaja vytvorčaść moža pravodzicca ŭ inšych vypadkach.
Zavočnyja sudy mohuć pryznačać, kali zamiežnaja dziaržava admović u vydačy abvinavačanaha albo na praciahu šaści miesiacaŭ z momantu nakiravańnia Hienprakuraturaj adpaviednaha zapytu nie budzie atrymana zhoda zamiežnaj dziaržavy na vydaču čałavieka.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2222
Kamientary