Ahienctva S&P nie stała źnižać rejtynhi Biełarusi ŭ zamiežnaj valucie da pieraddefołtnaha ŭzroŭniu, niahledziačy na niaspłatu daŭhoŭ
Doŭhaterminovyja i karotkaterminovyja rejtynhi Biełarusi ŭ zamiežnaj valucie zachavanyja ahienctvam S&P Global Ratings na ŭzroŭni «CC/C» z «niehatyŭnym» prahnozam, niahledziačy na namiery Minska płacić daŭhi ŭ biełaruskich rublach zamiest praduhledžanych dalaraŭ, piša Deutsche Welle.
Mižnarodnaje rejtynhavaje ahienctva S&P Global Ratings nie stała źnižać rejtynhi Biełarusi na fonie praviadzieńnia Minskam płaciažu pa jeŭraablihacyjach Belarus-27 u nacyjanalnaj valucie i paćvierdziła doŭhaterminovyja i karotkaterminovyja rejtynhi ŭ zamiežnaj valucie na ŭzroŭni «CC /C», zachavaŭšy ich u śpisie CreditWatch na pierahladzie z «niehatyŭnym» prahnozam. Pra heta ŭ subotu, 16 lipienia, paviedamili ŭ pres-słužbie S&P.
Rejtynhi mohuć być panižanyja da pieraddefołtnaha ŭzroŭniu, kali vypłata pa ablihacyjach z pahašeńniem u 2027 hodzie nie budzie praviedziena ŭ dalarach aryjencirovačna ŭ kancy lipienia, udakładnili ŭ ahienctvie «Interfaks».
«My razumiejem, što ŭłady ŭ ciapierašni čas šukajuć sposaby ažyćciaŭleńnia płaciažoŭ pa ablihacyjach u amierykanskich dalarach na praciahu lhotnaha pieryjadu, praduhledžanaha dahavoram, z vykarystańniem alternatyŭnych sposabaŭ apłaty», — adznačyli dalej u S&P.
Čarhovaja publikacyja suvierennaha rejtynhu Biełarusi zapłanavanaja na 16 vieraśnia.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary