Pra pieramiaščeńnie vajskovaj techniki papiaredzili i ŭ Drahičynskim rajonie
Siońnia paviedamlałasia, što raptoŭnyja «płanavyja» pieramiaščeńni vajskovaj techniki abvieščanyja ŭ Ivanaŭskim i Stolinskim rajonach na Brestčynie. Ciapier ža stała viadoma, što mierapryjemstvy pa padrychtoŭcy vajskoŭcaŭ i padraździaleńniaŭ projduć i na terytoryi Drahičynskaha rajona, paviedamlaje telehram-kanał «Biełaruski hajun».
«U najbližejšy čas u luby čas sutak praz terytoryju rajona i nasielenyja punkty mahčymy ruch kałon vajskovaj techniki. Prosim hramadzian zachoŭvać spakoj i z razumieńniem stavicca da mierapryjemstvaŭ bajavoj padrychtoŭki Uzbrojenych siłaŭ», — piša rajonnaja hazieta sa spasyłkaj na vajennaha kamisara rajona.
«Biełaruski hajun» adznačaje, što Minabarony Biełarusi śpiecyjalna nie paviedamlała ni pra jakija vučeńni ni ŭ adnym ź pieraličanych rajonaŭ Bresckaj vobłaści. Prytym akurat u hetyja dni ŭ Drahičynskim i Ivanaŭskim rajonie siłaviki pravodziać masavyja začystki miascovych aktyvistaŭ, zatrymanyja jak minimum pa dziasiatku čałaviek u kožnym ź ich.
Kamientary