Mahiloŭskuju kniharniu «Aśvieta» aštrafavali na 4800 rubloŭ za dźvie «ekstremisckija» knihi
Pa infarmacyi kanała MAYDAY TEAM, kiraŭnictva kniharni «Aśvieta» pryciahnuli da adkaznaści za dźvie knihi Viktara Lachara «Vajennaja historyja Biełarusi. Hieroi. Symbali. Kolery». Dyrektarka kniharni rastłumačyła na sudzie, što na hetuju pasadu jana była pryznačanaja tolki 24 maja i nie viedała pra najaŭnaść u kramie «ekstremisckich» knih.
Pavodle jaje, ni vydaviectva «Charviest», jakomu naležyć kniha, ni Ministerstva infarmacyi Biełarusi nie papiaredzili kiraŭnictva kramy, što knihi treba źniać z prodažu.
8 červienia prakuratura vyjaviła fakt parušeńnia, a paźniej skłała pratakoł pavodle č. 2 art. 19.11 KaAP (raspaŭsiud ekstremisckich materyjałaŭ). Mahiloŭskaja sudździa Aksana Ratnikava pryznačyła kniharni «Aśvieta» štraf u pamiery 150 bazavych vieličyniaŭ (4800 rubloŭ).
Aŭtar knihi — Viktar Lachor, viadomy biełaruski hieraldyst, jaki siarod inšaha stvaryŭ simvoliku DAI, AMAP, HUBAZiK, Departamienta achovy, a taksama MZS.
Čytajcie taksama:
«Zakazčyki ŭ pahonach prasili: zrabi nam jak u Rasii!» Hieraldyst i były supracoŭnik Minabarony raskazaŭ pra ideołahaŭ siłavych struktur i svaju historyju
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary