Aŭstralijski hienierał: HIMARS pamianiaŭ charaktar bajoŭ, ale adzin jon nie spravicca
Aŭstralijski hienierał-major u adstaŭcy i vajenny ekśpiert Mik Rajan patłumačyŭ, čamu adnyja sistemy HIMARS nie zmohuć pamianiać chod vajny. Jon adznačaje, što hetyja reaktyŭnyja ŭstanoŭki sapraŭdy nievierahodnyja, ale ichni ŭpłyŭ na chod vajny nie varta pieraaceńvać.
Amierykanskaje RSZA stvorana dla udaraŭ u tyły voraha dla źniščeńnia:
- kamunikacyjnych vuzłoŭ
- kamandnych pastoŭ
- aeradromaŭ
- važnych łahistyčnych kamunikacyj
Ukrainskija vajskoŭcy ŭ bolšaści vypadkaŭ źniščajuć rasijskija składy bojeprypasaŭ. Takim čynam, USU viarnulisia da taktyki asimietryčnaha adkazu na dziejańni US RF paśla admovy ad baraćby na źniasileńnie na Danbasie.
Armija znoŭ atakuje słabyja miescy rasijskich vojskaŭ — čyhunku, hienierałaŭ i praźmiernuju zaležnaść voraha ad masiravanaha vykarystańnia artyleryi. Vielmi vysokadakładnyja rakiety, jakimi viaduć stralbu USU, dazvalajuć minimizavać pabočnuju škodu pry dalokich atakach na rasijskija celi, raźmieščanyja pablizu hramadzianskich abjektaŭ.
Taksama vajennyja ekśpierty ŭžo žartujuć, što najhoršaja pasada ŭ rasijskaj armii ciapier — heta hruzčyk bojeprypasaŭ na składzie materyjalna-techničnaha zabieśpiačeńnia. Heta taksama maje psichałahičnaje ŭździejańnie.
Ciapier značna bolšaja častka ŭvarvańnia rasijskich siłaŭ traplaje ŭ radyus, jaki možna atakavać. Jany asabista bačać upłyŭ HIMARS ŭ sacyjalnych sietkach i razumiejuć, što ź imi budzie.
USU mohuć ciapier nanosić ŭdary, jakija raniej byli niedastupnyja z-za rasijskich sistem SPA. Heta dazvalaje vajavać Ukrainie tak, jak joj chočacca, a nie praź źniasilvajučyja bai, jakim addajuć pieravahu VS RF. Tamu HIMARS buduć na pieršym miescy ŭ śpisie celaŭ dla rasijskich rakiet i Vajenna-kaśmičnych siłaŭ.
Adnak, jak piša ekśpiert, niahledziačy na efiektyŭnaje vykarystańnie RSZA, HIMARS — heta nie cud-zbroja, jakaja źmienić chod vajny.
Z časoŭ pieršaj pramysłovaj revalucyi isnavała tendencyja šukać adziny technałahičny cud, jaki dapamoža vyjhrać vajny, ale heta miraž.
Adzin HIMARS nie dazvolić vyjhrać vajnu Ukrainie. Amierykanskija RSZA — heta «doŭhaja ruka» dla napadaŭ pa US RF. Ale na vajnie nie isnuje adzinaj zbroi, zdolnaj stać vyrašalnaj.
Tamu Zachad pavinien i dalej pastaŭlać zbroju, bojeprypasy, raźviedvalnyja źviestki, navučać bajcoŭ USU i akazvać usie inšyja formy padtrymki, nieabchodnyja Ukrainie.
«Vajskovyja siły — heta składanaja struktura, jakim patrabujecca mnostva roznych mahčymaściaŭ, abjadnanych pa funkcyjach, radyusie dziejańnia, času i ŭździejańnia.
HIMARS — heta ŭsiaho tolki adzin płast, choć i žyćciova važny, u ahulnym nacyjanalnym i vajskovym patencyjale, jaki Ukrainie patrebien dla pieramohi ŭ hetaj vajnie», — reziumuje Rajan.
Kamientary