U Raŭbičach na prodaž vystavili asabniak za 2 młn dalaraŭ. Voś jak vyhladaje siońnia samy darahi dom Biełarusi znutry FOTA
U Raŭbičach na bierazie Dubroŭskaha vadaschovišča vystavili na prodaž asabniak, jaki bačyli ŭsie, chto kali-niebudź byvaŭ u hetaj vioscy za 15 kiłamietraŭ ad Minska. Jon kaštuje 2 miljony dalaraŭ i na siońnia zjaŭlajecca samym darahim domam, jaki pradajecca ŭ Biełarusi, piša realt.by. Hladzim, jak jon vyhladaje.
Dom znachodzicca na vulicy Alimpijskaj — na bierazie vadaschovišča i niedaloka ad restarana «Dubrov'». U abjavie asabniak nazyvajuć «francuzskim zamkam».
Trochpaviarchovy dom pabudavany z błokaŭ i maje płošču 611 kvadratnych mietraŭ.
— Usie budaŭničyja pracy vykonvalisia pa prajektnych čarciažach, u strohaj adpaviednaści z technałahičnymi pracesami i viedańniem najnoŭšych tendencyj sučasnaha zaharadnaha budaŭnictva, — skazana ŭ abjavie.
U domie jość usie kamunikacyi: śviatło, haz, vodapravod, kanalizacyja, aptavałakno.
Unutry — šmat pakojaŭ, kabiniet, łaźnia, biljardnaja i vialikaja terasa ź vidam na vadaschovišča.
Ziamielny ŭčastak — 23 sotki, pryvatyzavany. Zrobleny łandšaftny dyzajn z dekaratyŭnym aśviatleńniem. Jość hazon, sad, zroblenaje brukavańnie tratuarnaj plitkaj.
Za dom prosiać dva miljony dalaraŭ. Ciapier heta samy darahi dom, jaki pradajecca ŭ Biełarusi.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary