BiełTA narakaje na nizkija zarobki nastaŭnikaŭ u Polščy. A jakija jany tam nasamreč?
Polskija nastaŭniki stali masava zvalniacca z-za nizkich zarobkaŭ, što pryviało da kadravaha hoładu ŭ śfiery adukacyi ŭ krainie, piša dziaržaŭnaje ahienctva BiełTA sa spasyłkaj na polskaje vydańnie Rzeczpospolita. Ale BiełTA nie pryvodzić kankretnyja zarobki polskich nastaŭnikaŭ. Bo nastaŭniki biełaruskija hetym ličbam pazajzdrościli b.
BiełTA piša, što ŭ polskich škołach praź nizkija zarobki nie chapaje kala 13 tysiač nastaŭnikaŭ. Pry hetym zvalniajucca navat piedahohi ź vialikim dośviedam pracy. Dyrektary polskich škoł (mnohija ź jakich taksama zvalniajucca) skardziacca, što maładyja śpiecyjalisty nie chočuć pracavać u śfiery adukacyi. Nastaŭniki, jakija tolki pačynajuć pracavać pa prafiesii, ciapier zarablajuć na ŭzroŭni niekvalifikavanych rabotnikaŭ, piša BiełTA.
Ale kolki ž zarablajuć nastaŭniki ŭ Polščy?
Jaki i ŭ luboj inšaj krainie, zarobak nastaŭnika zaležyć ad pracoŭnaha stažu, aktyŭnaści, kvalifikacyi, dośviedu i adpracavanych hadoŭ, a taksama dadatkovych nadbavak.
U Polščy jość čatyry katehoryi nastaŭnikaŭ:
- nastaŭnik-stažor;
- nastaŭnik pa kantrakcie;
- pryznačany nastaŭnik;
- siertyfikavany nastaŭnik (samaja vysokakvalifikavanaja i vysokaapłatnaja katehoryja, takich nastaŭnikaŭ u Polščy — bolš za 60%).
Z 1 maja 2022 hoda staŭki siaredniaj zarpłaty nastaŭnikaŭ składajuć:
- nastaŭnik-stažor: 3693,46 złotaha (2789,25 rubla);
- nastaŭnik pa kantrakcie: 4099,74 złotaha (3096,07 rubla);
- pryznačany nastaŭnik: 5318,58 złotaha (4016,52 rubla);
- siertyfikavany nastaŭnik: 6795,97 złotaha (5132,22 rubla).
Nahadajem, bolšaść polskich nastaŭnikaŭ — siertyfikavanyja.
Heta zarobak «brudnymi», da apłaty padatkaŭ i zboraŭ. Nieta — zarobak budzie mienšym amal na 30%. U toj ža čas tyja, chto pracuje na paŭtary staŭki ci biare dadatkovyja nahruzki, atrymlivajuć jašče bolš.
U adpaviednaści z polskim zakanadaŭstvam, na pačatku svajoj piedahahičnaj karjery amal kožny nastaŭnik atrymlivaje zvańnie stažora. U toj ža čas vykładčyk, jaki pracavaŭ va ŭniviersitecie, moža stać albo nastaŭnikam pa kantrakcie, albo pryznačanym nastaŭnikam.
Palaki i praŭda narakajuć, što zarobki nastaŭnikaŭ (asabliva maładych, biez dośviedu) nievysokija. Ale ich biełaruskim kaleham nie śnilisia i takija.
U Biełarusi za krasavik siaredniaja zarpłata nastaŭnika «brudnymi» (da vypłaty padatkaŭ) skłała 1568 rubloŭ. «Čystymi» siaredni zarobak skłaŭ kala 1350 rubloŭ.
Pry hetym ceny na pradukty i adzieńnie ŭ Biełarusi i Polščy supastaŭnyja.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia1
Kamientary