U dačynieńni da hałoŭnaha redaktara sajta ABW.by Julii Mudreŭskaj i redaktara śpiecprajektaŭ Juryja Hładčuka raspačatyja kryminalnyja spravy, paviedamlajuć siłaviki. Videa ź imi, zapisanyja siłavikami, źjavilisia na praŭładnych telehram-kanałach, piša Reform.by.
Na videa Mudreŭskaja kaža, što ŭ žniŭni i vieraśni 2020 hoda prymała ŭdzieł u niesankcyjanavanych mierapryjemstvach. U kanale śćviardžajecca, što hałoŭnaja redaktarka ABW.by nie prapuskała «pradziaržaŭnyja naviny». Pa jakim artykule ŭzbudžanaja kryminalnaja sprava, nie ŭdakładniajecca.
Redaktar śpiecprajektaŭ Juryj Hładčuk skazaŭ na videa, što braŭ udzieł u niesankcyjanavanych mitynhach, byŭ padpisany na ekstremisckija telehram-kanały. Suprać jaho zaviedzienaja kryminalnaja sprava pa artykule 342 KK («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).
Troje supracoŭnikaŭ aŭtamabilnaha partała ABW.by byli zatrymanyja 16 červienia. Akramia Mudreŭskaj i Hładčuka byŭ zatrymany vypuskajučy redaktar Vadzim Ziankievič.
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary