ŚMI: Jeŭrakamisija padtrymaje status kandydata ŭ ES dla Ukrainy i Małdovy, a Hruzii admović
U svaim zaklučeńni ab nadańni statusa kandydata na siabroŭstva ŭ ES Jeŭrapiejskaja kamisija budzie rekamiendavać jaho dla Ukrainy i Małdovy, vystaviŭšy apošniaj dadatkovyja patrabavańni, a Hruzii admović. Pra heta, jak piša «Jeŭrapiejskaja praŭda», paviedamlaje niderłandskaje vydańnie NOS sa spasyłkaj na»nadziejnuju krynicu».

Adznačajecca, što ŭ svaim zaklučeńni Jeŭrakamisija budzie rekamiendavać Ukrainie status kandydata, ale z umovami dla pačatku pieramovaŭ ab ustupleńni. U pryvatnaści, havorka idzie pra zabieśpiačeńnie viaršenstva prava i baraćbu z karupcyjaj.
«Padobna na toje, što hety pramiežkavy krok źjaŭlajecca revieransam u bok takich krain, jak Niderłandy, jakija ličać, što Ukraina dalokaja ad hatoŭnaści da statusa kandydata na ŭstupleńnie», — adznačaje vydańnie.
U toj ža čas nadańnie Ukrainie statusa kandydata na siabroŭstva ŭ ES — heta palityčny sihnał, jaki choča dasłać Kijevu bolšaść dziaržaŭ-členaŭ, dadaje NOS.
Taksama kandydacki status budzie rekamiendavany dla Małdovy, ale ŭ adnosinach da jaje budzie vystaŭlena jašče bolš patrabavańniaŭ dla pačatku pieramoŭ ab ustupleńni.
Što tyčycca Hruzii, to Jeŭrakamisija budzie rekamiendavać nie davać krainie takoha statusa da vykanańnia «doŭhaha pieraliku patrabavańniaŭ».
-
Sustreča Trampa i Pucina budzie, ale nie fakt, što na nastupnym tydni
-
Sustreča Uitkafa z Pucinym była bolš praduktyŭnaj, čym čakałasia. Tramp nieadkładna sazvaniŭsia ź Zialenskim i lidarami Jeŭropy
-
«Vajna pavinna zaviaršycca. I heta pavinna być sumlennaje zaviaršeńnie». Zialenski raskazaŭ pra razmovu z Trampam
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier

Kamientary