«Nas vyrašyli zusim źvieści sa śvietu» — palitołah Valeryja Kaściuhova raspaviała z-za krataŭ pra ŭmovy na «Vaładarcy»
Valeryju Kaściuhovu zatrymali amal hod tamu — 30 červienia 2021 hoda. Jaje abvinavačvać u zmovie z metaj zachopu ŭłady (č. 1 art. 357 KK) i dapamahańni ŭ zaklikach da zachopu ŭłady (č. 6 art. 16 i č. 3 art. 361 KK). Na pačatku krasavika Valeryja dasłała list na volu, u jakim vykazałasia pra niečałaviečyja ŭmovy ŭtrymańnia ŭ SIZA-1, raspaviała pra svajo zdaroŭje i padzialiłasia knihami, jakija čytała apošnim časam, paviedamlaje «Viasna».
«Padobna na toje, što nas vyrašyli zusim źvieści sa śvietu. Pryčym, vidać, u imknieńni adreahavać na mižnarodnuju krytyku ŭmovaŭ utrymańnia ŭ biełaruskich turmach nas stali lepš karmić. Ale: ciapier nielha ŭziać pustyja talerki, h. zn. čałaviečuju ježu jeści niama ŭ čym, kali nie vykinuć turemnuju. Tamu kanalizacyja pastajanna zabivajecca patokami bałandy.
U turmie biaskoncyja pravierki. Na praktycy heta aznačaje, što my ŭvieś čas u čakańni, padčas jakoha niemahčyma sušycca i ściracca, jeści i čytać, hulać i navat chadzić u prybiralniu, usie rečy pavinny być schavanyja i kamiera pavinna rabić uražańnie niežyłoj.
U kamiery nasuprać robiać ramont. Heta značyć, što ŭžo dva tydni my dychajem vyklučna farbaj, alifaj i padobnym. Pašyryli pieralik praduktaŭ, jakija možna siudy pieradavać (praŭda, u asnovie ŭsio roŭna pieralik 50), ale na praktycy zabaranili sušanyja žuraviny i dekaratyŭnuju kaśmietyku. Mabyć, načalstva vyrašyła, što kali źniavolenyja skardziacca na niedachop pavietra, treba zrabić prahułki abaviazkovymi dla ŭsich. Ciapier ciesnata ŭ prahułačnych dvorykach, i raniej zanadta maleńkich, stała takoj, što pra fizkulturu davodzicca zabycca. A čas prahułki skaraciŭsia — bo dvaroŭ u piać razoŭ mienš, čym kamier.
Prablemy ž pieranasielenaści turmaŭ, niedachopu finansavańnia i pastajannaha (a nie časovaha) pražyvańnia ŭ ich u ramkach sistemy vykanańnia pakarańniaŭ nie vyrašajucca, hetyja rečy — zasłuha inšych viedamstvaŭ, tamu ŭsie sproby «palepšyć» umovy pryvodziać da ŭzmacnieńnia žorstkaści.
Ale ja maju namier vyžyć. I navat atrymlivać zadavalnieńnie. Čytaju dobryja knižki. Ci nie dobryja, a zajmalnyja. U asnoŭnym, pa historyi ruskaj revalucyi 1905—1917 hh. Ciapier «Bucharyn» Koena. Jašče Charare, Uełma, Dajera, Kapuścinskaha. Rekamiendavać mahu tolki Dževeł «100 najvialikšych chulihanak u historyi».
Jak bačyš, amal adnavili funkcyjanalnaść pravaj ruki, pakul nie mahu joju tolki čyścić zuby, astatniaje — mahu. I chvaroba, jakaja mianie mučyć z kastryčnika, padobna, usio-taki prachodzić. Vušy i šyja balać usio jašče, ale našmat mienš, a horła — naohuł nie, voś užo bolš za miesiac».
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi6
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary