«Hadoŭ praz 5-10 usiudy buduć simulacyi». Biełaruska zasnavała IT-kampaniju, jakaja stvaraje avataraŭ
Alisa Patockaja naradziłasia i chadziła ŭ škołu ŭ Baranavičach, ciapier žyvie i pracuje ŭ Łondanie. Jana — zasnavalnica IT-kampanii, jakaja zajmajecca stvareńniem videa z avatarami, amal nieadroznymi ad sapraŭdnych ludziej. Onliner daviedaŭsia ŭ dziaŭčyny, čamu jana pajšła z navuki, kinuła vysokuju pazicyju ŭ Facebook i navošta nam virtualnyja asoby.
Pracavała na kałajdary, chacieła stać navukoŭcam, rasčaravałasia i pajšła ŭ IT
Alisa z Baranavičaŭ. Paśla škoły pastupiła ŭ minski Licej BDU, advučyłasia na fakultecie prykładnoj matematyki i infarmatyki, a taksama ŭ Politechničnym instytucie Hrenobla ŭ Francyi.
Pačynała pracavać raspracoŭščycaj prahramnaha zabieśpiačeńnia ŭ biełaruskich kampanijach, u tym liku kala hoda pracavała ŭ Wargaming.
Potym pierajechała ŭ Zachodniuju Jeŭropu. Jana chacieła zajmacca daśledčaj dziejnaściu, pryčym maryła pracavać u łabaratoryi z kałajdaram. I ŭ jaje heta atrymałasia. Choć pracavała jana nad inšym prajektam, ale dostup da kałajdara sapraŭdy byŭ.
Adnak u navukovaj dziejnaści dziaŭčyna rasčaravałasia.
«U biznesie ŭsio adbyvajecca bolš dynamična, patrabavańni kudy bolš zrazumiełyja», — kaža jana.
Paśla hetaha byli inšyja miescy pracy, u tym liku 4,5 hoda ŭ padraździaleńni Facebook u Łondanie. Alisa pracavała prahramistkaj, jaje zadačy byli źviazanyja z machine learning (mašynnaje navučańnie).
«Mianie pavysili, u vyniku ja stała techlidam. Pracavała z technałohijami jak dapoŭnienaj (AR), tak i virtualnaj (VR) realnaści, u tym liku ŭ kamandzie Oculus (padraździaleńnie ciapierašniaj Meta, jakoje vypuskaje harnitury virtualnaj realnaści. — prym. Onlíner). Ale zrazumieła, što mnie treba niešta bolšaje. Urešcie rešt vyrašyłasia zasnavać kampaniju», — kaža jana.
«Možna ŭziać i simulavać cełaha čałavieka?»
Ciapier u jaje kampanija Immersive Fox, dzie z dapamohaj ałharytmaŭ štučnaha intelektu stvarajucca videa z hienieravanymi avatarami, praktyčna nieadroznymi ad realnych ludziej.
«Ideju padaŭ moj siabar, uładalnik videapradakšn-studyi. Adnojčy jon spytaŭ: «Ci možna ŭziać i simulavać cełaha čałavieka?» Spačatku ja padumała: heta naŭrad ci. Ale ideja zapała ŭ hałavu», — raspaviadaje Alisa.
U vyniku jana sabrała kamandu, ciapier u joj 10 čałaviek.
Dla atrymańnia avatara patrebny piacichvilinny zapis paramietraŭ čałavieka, pryčym vysokaj jakaści.
Immersive Fox pracuje ź biznesam. «Praces vyhladaje prykładna tak: kampanija dasyłaje videa z akcioram, ałharytm apracoŭvaje jaho kala dvuch z pałovaj dzion. Paśla hetaha možna stvarać biaskoncuju kolkaść AI-kantentu (artificial intelligence — štučny intelekt). Taksama možna źmianić hołas abo ŭ aŭtamatyčnym režymie pierakłaści tekst, jaki hučyć u roliku, na inšuju movu (ich padtrymlivajecca 25, u tym liku ruskaja)».
Dla čaho biznesu patrebny taki kantent?
«Jość niekalki scenaryjaŭ. Naprykład, dla navučalnych videa. Ciapier my robim kurs lekcyj dla adnaho ŭniviersiteta. Nastupny varyjant — karparatyŭny kantent nakštałt štomiesiačnych spravazdač dla kamandy abo prezientacyj. Hienieravać takija AI-roliki, a nie zdymać ich u studyi, tańniej, plus heta ekanomić čas. Treci scenaryj — prodažy. Zamiest adpraŭleńnia «chałodnych» elektronnych paviedamleńniaŭ tekst kanviertujecca ŭ videa, atrymlivajecca bolš piersanalizavana, kanviersija vyšejšaja. Apošni kiejs — klijenckija kamunikacyi. Havorka pra roliki ŭ čat-botach, demanstracyjach praduktu kampanii», — kaža Alisa.
Jak jana bačyć, u budučyni heta moža raźvicca ŭ paŭnavartasnuju simulacyju, uklučajučy nie tolki asabovuju mimiku, ale i ruchi cieła.
«Biareš čałavieka, skanuješ i robiš jaho poŭnuju virtualnuju kopiju. Ale rynak vielmi małady. Bolšaść kampanij, jakija pracujuć u hetaj śfiery, pačali źjaŭlacca dva-try hady tamu. Technałohija pieradavaja, pakul hetym mała chto zajmajecca», — raspaviadaje dziaŭčyna.
U adroźnieńnie ad mietasuśvietu, kamanda nacelenaja rabić avatary realistyčnymi, a nie animavanymi.
«Ja vieru, što ŭžo hadoŭ praz 5-10 my naohuł pierastaniem vykarystoŭvać kamiery, a pryjdziem da simulacyj. Ź imi možna damahčysia bolšaha.
Moj hienieravany piersanaž razmaŭlaje kudy vyraźniej, čym ja. I biez akcentu», — apisvaje pierśpiektyvy Alisa.
U tym liku praktykavańni. Biełarusy stvaryli mabilnuju prahramu dla vyrašeńnia mužčynskich prablem
Vypić čarku-druhuju i hetym dapamahčy ekałohii. Budziecie śmiajacca, ale heta całkam realna
-
Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak
-
Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij
-
Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel
Ciapier čytajuć
Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška17
Kamientary