«Łade» prypyniŭ akazańnie pasłuh z 16 maja, supracoŭnikaŭ adpravili ŭ adpačynak.
Jak stała viadoma «Našaj Nivy», ciapier miedcentr vystaŭleny na prodaž. Padrabiaznaści pakul nieviadomyja.
Rašeńnie ab prypynieńni licenzii «Łade» było pryniataje na pasiadžeńni lačebna-kantrolnaj rady Ministerstva achovy zdaroŭja 4 maja.
Viedamstva paviedamlała, što prypyniła dziejnaść licenzii miedcentra nibyta za nastupnyja parušeńni:
- ažyćciaŭleńnie pradprymalnickaj dziejnaści ŭ miescy, nie paznačanym u licenzii;
- parušeńni patrabavańniaŭ kliničnych pratakołaŭ dyjahnostyki i lačeńnia;
- najaŭnaść lekavych srodkaŭ, u jakich vyjšaŭ termin prydatnaści;
- parušeńni paradku arhanizacyi akazańnia nieadkładnaj dapamohi;
- hrubyja parušeńni praviadzieńnia ekśpiertyzy časovaj niepracazdolnaści (vyjaŭlena 89 vypadkaŭ nieabhruntavanaj vydačy i praciahnieńnia listkoŭ niepracazdolnaści);
- parušeńni ŭ arhanizacyi praviadzieńnia miedycynskaj dapamohi dzieciam;
- šmatlikija parušeńni zakanadaŭstva ŭ halinie zachavańnia sanitarna-epidemičnych normaŭ.
Ministr achovy zdaroŭja Dźmitryj Pinievič kamientavaŭ, što zakryćcio samaha bujnoha pryvatnaha miedcentra krainy — fakt nie ekstraardynarny. I kazaŭ, što kali kampanija žadaje praciahnuć pracavać, to jana pavinna źviarnucca ź infarmacyjaj ab vypraŭleńni parušeńniaŭ.
Supracoŭniki «Łade» raskazvali «Našaj Nivie», što aficyjny pamier štrafu, vystaŭlenaha miedcentru, — 1 miljon biełaruskich rubloŭ. Ale jość sumnievy adnosna kančatkovaści hetaj sumy.
«Łade» kašmarać za 2020-y. Vychavaŭčy rekiet, vystavili štraf
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
-
«Jana nie dačakała hetaha dnia, ale hety dzień dačakaŭ jaje»: Łarysie Hienijuš paśmiarotna vydali Nacyjanalny pašpart Biełarusi
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary