Prypynieńnie dziejańnia licenzii na miedździejnaść «Łade» nie źjaŭlajecca ekstraardynarnym faktam, paviedamiŭ ministr achovy zdaroŭja Dźmitryj Pinievič BIEŁTA.
Dźmitryj Pinievič zaznačyŭ, što centr dapuściŭ surjoznyja parušeńni.
Jany tyčylisia, u pryvatnaści, nievykanańnia pratakołaŭ padčas akazańnia nieadkładnaj mieddapamohi. Heta rabota na abstalavańni, jakoje nie zarehistravanaje abo jakoje nie prajšło nieabchodnyja rehłamienty. Vyjaŭlenyja parušeńni sanepidrežymu, jakija mohuć paciahnuć surjoznyja ŭskładnieńni abo pahrozu žyćciu.
«Płast parušeńniaŭ byŭ vyjaŭleny, my jaho praanalizavali i pryniali rašeńnie ab prypynieńni dziejańnia licenzii hetaj kampanii», — adznačyŭ jon.
Pinievič skazaŭ: kali kampanija žadaje praciahnuć pracavać, jana pavinna źviarnucca ź infarmacyjaj ab ustaranieńni parušeńniaŭ.
Pinievič upeŭnieny: zakryćcio samaha bujnoha pryvatnaha miedcentra krainy — fakt nie ekstraardynarny. «Usie pavinny razumieć: kali ty akazvaješ miedycynskuju dapamohu, to pavinien akazvać jaje jakasna, zhodna sa standartami biaśpieki», — skazaŭ jon.
Rašeńnie ab prypynieńni licenzij miedcentraŭ «Łade» i «Klinika A1» było pryniataje na pasiadžeńni lačebna-kantrolnaj rady Ministerstva achovy zdaroŭja 4 maja.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary