U Litvie — samaja nizkaja za 60 hadoŭ naradžalnaść. Palityki spadziavajucca na biełarusaŭ i ŭkraincaŭ
Naradžalnaść u Litvie samaja nizkaja za 60 hadoŭ, a śmiarotnaść — rekordnaja, paviedamlajecca ŭ pieradačy Info diena. Palityki ličać, što situacyju vyratujuć biełarusy i ŭkraincy, ale ekśpierty kažuć, što heta tolki karotkaterminovaje rašeńnie, piša Delfi.
Letaś u Litvie pamierła 48 tysiač čałaviek, dziaciej naradziłasia ŭdvaja mienš — bolš za 24 tysiačy.
U 2021 hodzie było na 4 tysiačy bolš śmierciaŭ, čym hodam raniej.
«Demahrafija Litvy pieražyvaje peŭnyja vykliki, vielmi surjoznyja vykliki. Možna navat skazać, što ŭ najaŭnaści peŭny demahrafičny kryzis», — zajaviła Info diena staršynia Nacyjanalnaj rady pa spravach siamji Ramunie Jurkuvienie.
Ekśpierty, što sabralisia ŭ Siejmie, paviedamili: Litva zastajecca lidaram u ES pa kolkaści razvodaŭ.
Abnadziejvaje tolki toje, što čakajecca pavieličeńnie praciahłaści žyćcia mužčyn i źnižeńnie tempaŭ emihracyi. Ale, pavodle acenak navukoŭcaŭ, hetaha budzie niedastatkova, i niedachop pracaŭnikoŭ budzie fiksavacca i dalej.
«Jak ratavalisia inšyja krainy — sabrali ŭ ZŠA i mocnych jeŭrapiejskich krainach samych razumnych z usiaho śvietu. Ničoha inšaha prydumlać nie budziem, nam daviadziecca prystasoŭvacca da sistemy abo budavać kalučy płot nie tolki ź Biełaruśsiu, ale i z Polščaj i Łatvijaj», — skazaŭ deputat Siejma Alhirdas Sisas.
Palityki miarkujuć, što situacyju vyratujuć ukraincy i biełarusy, što prybyvajuć u Litvu.
«Heta karotkaterminovaje rašeńnie, jano nie spryjaje doŭhaterminovamu ŭstojlivamu demahrafičnamu raźvićciu», — skazaŭ Daŭmantas Štumbrys, kiraŭnik Centra demahrafičnych daśledavańniaŭ i ekśpiertyzy.
Analityki prosiać nie śpisvać z rachunkaŭ i vioski, što źnikali. Kažuć, usio bolš ludziej, asabliva litoŭcaŭ, jakija viarnulisia z-za miažy, pierajazdžajuć ź vialikich haradoŭ u rehijony. Kolkaść dazvołaŭ na budaŭnictva žylla ŭ siami bolš drobnych rehijonach pavialičyłasia amal udvaja.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary