Hałoŭčanka: Ekanomika całkam zdarovaja, realnyja dachody nie padajuć, usie pakazčyki stanoŭčyja
Aptymistyčnuju karcinu raźvićcia ekanomiki Biełarusi namalavaŭ 14 maja premjer-ministr krainy Raman Hałoŭčanka u intervju telekanału Al-Arabija, pieradaje pres-słužba ŭrada.
Hałoŭčanka padkreśliŭ, što ŭ Biełarusi jość «nievialikaje prasiadańnie» ŭ abjomach vypusku i ekspartu pradukcyi, jakaja trapiła pad siektaralnyja sankcyi Jeŭraźviaza, ale heta nie strašna.
«Patrabujecca čas na pieraaryjentacyju płyniaŭ. Hetym my zaraz vielmi ščylna zajmajemsia.
Tym nie mienš, salda płaciežnaha bałansu krainy stanoŭčaje, salda ekspartu stanoŭčaje, finansavyja vyniki pracy asnoŭnych pradpryjemstvaŭ ekanomiki stanoŭčyja.
Na heta akazvaje ŭpłyŭ, u tym liku, i rost suśvietnych cenaŭ, jaki adbyvajecca. Heta značyć, my dzieści hublajem u abjomach vytvorčaści i ekspartu, ale kampiensujem heta za košt bolš vysokich cenaŭ.
Siaredniaja rentabielnaść prodažaŭ biełaruskich pramysłovych tavaraŭ składaje 8-9%. Hetaha dastatkova dla taho, kab absłuhoŭvać kredytnyja abaviazalnictvy i vypłačvać svoječasova zarabotnuju płatu, — skazaŭ Hałoŭčanka.
Pavodle słoŭ premjera, u Biełarusi niama padzieńnia realnych dachodaŭ nasielnictva, a dziaržavaj svoječasova vykonvajucca ŭsie sacyjalnyja abaviazalnictvy.
«Tym nie mienš, my razumiejem, što treba budzie vielmi surjoznaja praca dla taho, kab nie dać situacyi pahoršycca i, prynamsi, vyjści na tyja ž paramietry pracy, jakija byli letaś da ŭviadzieńnia hetaha surjoznaha sankcyjnaha pakieta», — reziumavaŭ premjer-ministr.
Nahadajem, što niadaŭna Nacyjanalny statystyčny kamitet Biełarusi paviedamiŭ, što hadavaja inflacyja ŭ krainie ŭ krasaviku 2022-ha składała ŭžo 16,8% (u sakaviku była 15,9%).
Ceny na charčavańnie ŭ Biełarusi za hod vyraśli na 19%, na niecharčovyja tavary — na 18,6%, na pasłuhi — na 10,7%.
Miesiačnaja inflacyja ŭ krasaviku zamarudziłasia, jana składała 1,6% (u sakaviku — 6,1%). Ceny na charčavańnie za miesiac vyraśli na 3,9%, na niecharčovyja tavary — na 0,7%.
Z pačatku 2022 hoda (u studzieni—krasaviku) inflacyja ŭ Biełarusi skłała 11,1%.
Čytajcie taksama:
«Z krainy źjazdžajuć tysiačy ludziej z zarpłataj 2500—3000 dalaraŭ». Jak adtok ajcišnikaŭ paŭpłyvaje na ekanomiku
«Katastrofa». Ekśpierty pra skaračeńnie nasielnictva Biełarusi na 154 tysiačy za dva hady: «Heta daloka nie poŭnyja ličby»
Ekanamist pra našy pierśpiektyvy: Hałodnych buntaŭ nie budzie, ale mnohija sutyknucca ź biespracoŭjem
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu16
Kamientary