Prezident Turcyi Redžep Taip Erdahan zajaviŭ, što Finlandyja i Šviecyja źjaŭlajucca «haściavym domam dla terarystaŭ», majučy na ŭvazie Pracoŭnuju partyju Kurdystana. «My nie možam hladzieć na heta pazityŭna», — padkreśliŭ turecki lidar, jaho cytuje miascovaje ahienctva Anadolu.
«Ciapier my sočym za raźvićciom padziej u dačynieńni da Šviecyi i Finlandyi, ale nie bačym [u hetym] pazityvu», — skazaŭ Erdahan. Pavodle jaho, skandynaŭskija krainy źjaŭlajucca «haściavym domam dla terarystyčnych arhanizacyj».
Jon adznačyŭ, što členy zabaronienaj u Turcyi Rabočaj partyi Kurdystana žyvuć u Šviecyi, Niderłandach i navat vystupajuć u parłamiencie. «My nie možam hladzieć na heta pazityŭna», — skazaŭ na zakančeńnie palityk.
12 maja prezident Finlandyi Saŭli Niiniścio i premjer-ministr krainy Sana Maryn zajavili pra nieabchodnaść dla svajoj krainy nieadkładna padać zajaŭku na ŭstupleńnie ŭ NATA. Kiraŭnik MZS Finlandyi Pieka Chaavista patłumačyŭ hetaje rašeńnie tym, što «vajennyja dziejańni, pačatyja Rasijaj, stvaryli niebiaśpieku dla stabilnaści ŭsioj Jeŭropy». Šviecyja, u svaju čarhu, płanuje padać adpaviednuju zajaŭku 16 maja.
Raniej taksama, akramia Turcyi, svaich metaŭ na fonie ŭstupleńnia dźviuch skandynaŭskich krain u aljans pasprabavała dabicca Charvatyja. Charvacki prezident Zoran Miłanavič paličyŭ zajaŭki Šviecyi i Finlandyi na ŭstupleńnie ŭ NATA «niebiaśpiečnaj avanturaj». Na jaho dumku, hetyja krainy nie mohuć dałučycca da błoku da źmieny zakona ab vybarach u Bośnii i Hiercahavinie ŭ intaresach baśnijskich charvataŭ, čamu majuć paspryjać zachodnija krainy. Praŭda, u Charvatyi, u adroźnieńnie ad Turcyi, prezident nie źjaŭlajecca ŭsiaŭładnym kiraŭnikom, jaki prymaje važnyja rašeńni samastojna.
U toj ža čas pres-sakratar Biełaha doma Džen Psaki zajaviła, što ZŠA padtrymajuć ustupleńnie Finlandyi i Šviecyi ŭ NATA. Adnaznačna padtrymlivajuć finaŭ i šviedaŭ taksama Brytanija, Hiermanija, Francyja, Polšča, krainy Bałtyi i Paŭnočnaj Jeŭropy.
Ale luboje pašyreńnie NATA patrabuje adnahałosnaha ŭchvaleńnia ŭsimi členami aljansu. Turcyja źjaŭlajecca členam NATA z 1952 hoda.
Čytajcie taksama:
Finlandyja abviaściła pra rašeńnie ŭstupić u NATA. Rasija niazdolnaja heta sarvać
-
Słon ź miortvym słanianiom, kajot u San-Francyska, puma na aharodžy… Voś jakija raboty stali sioletnimi pieramožcami konkursu «Fatohraf hoda dzikaj pryrody»
-
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
-
Dla ŭjezdu ŭ Kazachstan biełarusam treba budzie zapytvać propusk za try dni
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary