Ofis hienprakurora Ukrainy abjaviŭ padazravanymi ŭ złačynstvie i vypisaŭ pozvy na dopyt šerahu členaŭ Rady biaśpieki RF. Pra heta paviedamlajecca na sajcie viedamstva.
Siarod asob, vyklikanych na dopyty 16, 17 i 18 maja — ministr abarony Siarhiej Šajhu, namieśnik staršyni Rady biaśpieki Dźmitryj Miadźviedzieŭ, śpikier Dziarždumy Viačasłaŭ Vałodzin, śpikier Savieta Fiederacyi Valancina Maćvijenka.
Taksama pozvy vypisanyja dyrektaru FSB Alaksandru Bortnikavu, kiraŭniku Słužby źniešniaj raźviedki Siarhieju Naryškinu, ministru ŭnutranych spraŭ Uładzimiru Kałakolcavu, kiraŭniku Rashvardyi Viktaru Zołatavu i paŭnamocnamu pradstaŭniku prezidenta RF u Centralnaj fiederalnaj akruzie Iharu Ščohalevu.
Hienprakuratura Ukrainy taksama abjaviła členaŭ Rady biaśpieki RF padazravanymi pa spravie ab zamachu na terytaryjalnuju cełasnaść Ukrainy.
Prezidentu Rasii Uładzimiru Pucinu pozvu nie vypisali.
Kamientary