Ukrainskaja raźviedka: U Biełarusi zastajucca rasijskija samaloty i dyvizijon «Iskanderaŭ»
Ukrainskaja raźviedka vyjaviła na terytoryi Biełarusi vajskovyja samaloty RF i dyvizijon «Iskanderaŭ». Pra heta paviedamiŭ pres-sakratar Ministerstva abarony Ukrainy Alaksandr Matuzianik padčas bryfinhu. Pavodle jaho, nie vyklučajecca, što rasijskija vajskoŭcy rychtujucca da pravakacyj z nastupnym abvinavačvańniem u ich Uzbrojenych siłaŭ Ukrainy.
«Jak stała viadoma našaj raźviedcy, na aeradromie ŭ Bresckaj vobłaści Biełarusi na adlehłaści za 130 km ad dziaržaŭnaj miažy z Ukrainaj znachodziacca šeść samalotaŭ apieratyŭna-taktyčnaj avijacyi Rasii.
Taksama ŭ Mahiloŭskaj vobłaści na adlehłaści 170 km ad miažy z Ukrainaj razhornuty dyvizijon apieratyŭna-taktyčnaha rakietnaha kompleksa «Iskander», — skazaŭ Matuzianik.
Što da apieratyŭnaj abstanoŭki na Vałynskim i Paleskim kirunkach, to jon adznačyŭ, što tam pakul usio zastajecca bieź istotnych źmienaŭ. Pa słovach pres-sakratara, padraździaleńni Uzbrojenych siłaŭ Respubliki Biełaruś praciahvajuć vykonvać zadačy pa ŭzmacnieńni biełaruska-ŭkrainskaj miažy ŭ Bresckaj i Homielskaj abłaściach.
«U toj ža čas nie vyklučajecca ažyćciaŭleńnie praciŭnikam pravakacyj z nastupnym abvinavačvańniem u ich Uzbrojenych siłaŭ Ukrainy. Taksama tam zachoŭvajecca pahroza naniasieńnia praciŭnikam rakietnych udaraŭ pa terytoryi vajskovaj i cyvilnaj infrastruktury Ukrainy z terytoryi Respubliki Biełaruś», — adznačyŭ Matuzianik.
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary