Pa Kijevie nanieśli rakietny ŭdar. U hety momant tam byŭ hienieralny sakratar AAN
Dva mocnyja vybuchi prahrymieli ŭ Šaŭčenkaŭskim rajonie Kijeva, u centry horada. U vyniku abstrełu, pavodle pres-sakratarki haradskoj administracyi, jość paciarpiełyja, ale pakul nieviadoma kolki ich.
«Dva patraplańni. Adzin abjekt, adzin žyły siektar kala abjekta. Traplańnie było ŭ pieršyja pavierchi, a na vierchnich jość ludzi», — raskazała pres-sakratarka.
Taksama, jak paviedamlaje kiraŭnik Kijeŭskaj vobłaści, rakietnyja ŭdary naniesienyja pa vakolicach horada Fastava.
Rakietnyja abstreły Kijeva adbylisia padčas znachodžańnia ŭ im hienieralnaha sakratara AAN Antoniu Huteryša, jaki papiarednie naviedaŭ Maskvu. Daradca Ofisa prezidenta Ukrainy Michaił Padalak z hetaj nahody napisaŭ:
«Rakietny ŭdar pa centry Kijeva padčas aficyjnaha vizitu Antoniu Huteryša. Napiaredadni jon siadzieŭ za doŭhim stałom u Kramli, i siońnia za kiłamietr ad jaho vybuchi. Paštoŭka z Maskvy? Nahadajcie, čamu Rasija da hetaha času zajmaje miesca ŭ Radzie biaśpieki AAN?»
Kamientary