Rahačoŭski małočna-kansiervavy kambinat uznačaliŭ były supracoŭnik HUBAZiK

Infarmacyja pra papiaredniaje miesca pracy, jak śćviardžaje homielski sajt «Fłahštok», dakładnaja tolki častkova. Vital Strohi sapraŭdy kiravaŭ AAT «Ščučynski masłasyrzavod» z 2013 pa 2019 hod da dałučeńnia pradpryjemstva da AAT «Małočny śviet». Ale paśla taho, jak niekali samastojny haspadarčy subjekt staŭ filijałam Hrodzienskaha małakazavoda, Strohi byŭ źniaty z pasady.

«Fłahštok» źviazvaje heta sa słabaściu Strohaha jak kiraŭnika. Finansavaja spravazdačnaść Ščučynskaha masłasyrzavoda, jakaja publikavałasia ŭ suviazi ź dziejučym zakanadaŭstvam ab akcyjaniernych tavarystvach, pakazvaje, što ŭ 2013 hodzie Vital Strohi pryniaŭ paśpiachovaje pradpryjemstva, a pry dałučeńni ŭ 2019 hodzie da AAT «Małočny śviet» jano było ŭžo na miažy bankructva. Pradpryjemstva akazałasia vielmi zakredytavanym, a čystyja straty za 2018 hod skłali amal 10 młn rubloŭ.

Akramia hetaha faktu, u adkrytych krynicach pra Vitala Strohaha možna znajści, što novy dyrektar Rahačoŭskaha MKK pracavaŭ u siłavych orhanach (krynica Fłahštoka paviedamlaje, što byŭ supracoŭnikam HUBAZiK).

Adtul jon spačatku pierajšoŭ u Ministerstva sielskaj haspadarki i charčavańnia, dzie źjaŭlaŭsia namieśnikam načalnika ŭpraŭleńnia viedamasnaha kantrolu i adkazvaŭ za praviadzieńnie revizij i pracu z pravaachoŭnymi orhanami, a zatym namieśnikam dyrektara ŭ Ščučynski masłasyrzavod.

Błohier d_zholik pisaŭ u Livejournal u 2014 hodzie, što jašče da pryznačeńnia dyrektaram AAT «Ščučynski masłasyrzavod» u dačynieńni da Vitala strohaha była zaviedzienaja kryminalnaja sprava pavodle karupcyjnaha artykuła. Aficyjnych paćvierdžańniaŭ hetamu niama, ale, jak raspaviali Fłahštoku rabotniki pradpryjemstva, za čas kiraŭnictva Vitala Strohaha na pradpryjemstvie terminy pa karupcyjnych artykułach atrymali jak minimum dva kiraŭniki padraździaleńniaŭ: načalnik łabaratoryi i načalnik adździeła handlu.

Aficyjnych paćvierdžańniaŭ usiamu hetamu niama, adnak zerkalo.io daviedałasia, što da pryjezdu ŭ Ščučyn Vital Strohi pracavaŭ u Ministerstvie sielskaj haspadarki i charčavańnia na pasadzie namieśnika načalnika ŭpraŭleńnia viedamasnaha kantrolu. Hetaja struktura zajmajecca supraćdziejańniu karupcyi na padviedamnych Minsielhascharču pradpryjemstvach i ŭzajemadziejničaje z pravaachoŭnymi orhanami. Na hetaj pasadzie ŭ 2011 hodzie Strohi davaŭ intervju «SB Biełaruś Siehodnia». 

Nahadajem, što niadaŭna źjaviłasia infarmacyja pra faktyčnaje bankructva Rahačoŭskaha MKK. Jon admoviŭsia vypłačvać akcyjanieram dyvidendy za 2021 hod.

Rahačoŭski małočny kambinat, viadomy svajoj zhuščonkaj, — bankrut

• 0
• 0
• 5
• 17
• 0
• 4
• 6
• 0