U Biełarusi ŭpieršyniu vypuścili hieahrafičnyja karty dla nieviduščych FOTY
U Biełarusi ŭpieršyniu vypuścili hieahrafičnyja karty dla nieviduščych. Jany ŭžo prajšli vyprabavańni ŭ škole №188 dla dziaciej z parušeńniem zroku.
Na kartach reljefam roznych typaŭ vyłučanyja raŭniny i ŭzvyššy, reki i aziory. Šryftam Brajla tłumačycca, jaki typ reljefnaha druku što paznačaje. Pobač z charakternymi abjektami hetym ža šryftam dadzienyja podpisy: što namalavana na kankretnym učastku karty, paviedamlaje The Village.
Na siońniašni dzień nie isnuje standartaŭ i ahulnych redakcyjnych dakumientaŭ, u adpaviednaści ź jakimi pavinny składacca takija karty. Składanaść zaklučajecca jašče i ŭ roznych technałahičnych pracesach, jakija prymianiajucca pry stvareńni taktylnych kart.
Jak adznačyła dyrektarka «Biełkartahrafii» Ina Šłyk, na pradpryjemstvie raspracavanyja techničnyja ŭmovy pa stvareńni reljefna-hrafičnych dapamožnikaŭ dla invalidaŭ pa zroku.
— Užo stvoranyja ekśpierymientalnyja tvory: taktylnaja karta «Respublika Biełaruś. Fizičnaja karta», maštabu 1:1 500 000, schiema «Płaniety Soniečnaj sistemy», viaducca raboty pa vyrabie inšych rečaŭ. Nazvanyja dapamožniki prajšli adaptacyju ŭ Minskaj śpiecyjalnaj ahulnaadukacyjnaj škole №188 dla dziaciej z parušeńniem zroku, dzie im była dadzienaja stanoŭčaja acenka, — padzialiłasia Šłyk.
Sioleta zapłanavanyja raboty pa raspracoŭcy i adaptacyi atłasa dla 4-ha kłasa «Čałaviek i śviet. Maja Radzima — Biełaruś» dla nieviduščych i sa słabym zrokam dziaciej.
Taksama viadziecca prapracoŭka pytańnia ab uklučeńni hetych pazicyj u tematyčny płan padrychtoŭki i vydańnia vučebnych kartahrafičnych dapamožnikaŭ dla ŭstanoŭ ahulnaj siaredniaj, śpiecyjalnaj i vyšejšaj adukacyi, kab stvaryć roŭnyja ŭmovy dla navučencaŭ z abmiežavańniem pa zroku.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary