«A ŭśled za hetym nieadkładna byli ŭviedzienyja čarhovyja sankcyi, a placoŭka dla pieramovaŭ zamienienaja», — kryŭduje Łukašenka.
Na pasiadžeńni Rady biaśpieki Łukašenka zajaviŭ, što biahučaja situacyja vakoł krainy — jon praciahvaje paźbiahać słova «vajna» ci «napad Rasii na Ukrainu» — i jaje ŭpłyŭ na sacyjalna-ekanamičnaje raźvićcio Biełarusi «źjaŭlajecca adnym z najbolš aktualnych dla dziaržavy pytańniaŭ i staić u adnym šerahu z harantavańniem jaje vajennaj biaśpieki».
Pa jaho słovach, z «pačatkam rasijskaj apieracyi va Ukrainie zaviaršyłasia cełaja histaryčnaja epocha».
«Kali ŭ hetaj situacyi kazać pra Biełaruś, to naš vybar byŭ vidavočny.
Paśla vyjaŭleńnia biassprečnych faktaŭ ab realnaj pahrozie nacyjanalnaj biaśpiecy — vy pamiatajecie 2020 hod — nami byli pryniatyja nieabchodnyja miery dla abarony svajoj krainy.
Absalutna pravamierna zadziejničany miechanizm vajennaj padtrymki ŭ ramkach našaha Sajuza Biełarusi i Rasii», — adznačyŭ Łukašenka.
Jon raskazaŭ, što amal adrazu paśla pačatku aktyŭnaj fazy bajavych dziejańniaŭ na terytoryi Ukrainy, Biełaruś tradycyjna pastarałasia naładzić dyjałoh pamiž bakami kanfliktu.
«My čarhovym razam prapanavali Rasii i Ukrainie biaśpiečnaje miesca dla pieramovaŭ, — adznačyŭ Łukašenka. — Naša inicyjatyva była imi pačutaja i z udziačnaściu pryniataja — u Biełarusi ŭžo prajšli try sustrečy, dzie byli vyznačanyja šlachi ruchu da mirnaha ŭrehulavańnia».
Adnak prafiesijnyja dziejańni biełaruskich vajskoŭcaŭ i dypłamataŭ zastalisia niezaŭvažanymi na Zachadzie, na dumku Łukašenki.
«Biazdokazna i biespadstaŭna Biełaruś była abvieščanaja «pamahatym ahresara», a ŭśled za hetym nieadkładna byli ŭviedzienyja čarhovyja sankcyi, a placoŭka dla pieramovaŭ zamienienaja», — kryŭduje Łukašenka.
Upieršyniu Alaksandr Łukašenka ŭžyŭ hetaje słova — ahresar.
Pierad napadam na Ukrainu Alaksandr Łukašenka ŭ intervju rasijskamu prapahandysckamu TV zajaŭlaŭ, što vajna va Ukrainie praciahniecca 3 — 4 dni. U čas vajny jon niekalki razoŭ zaklikaŭ kiraŭnictva Ukrainy kapitulavać, pahražajučy, što inakš toje samaje pryjdziecca zrabić paźniej na horšych umovach.
U siońniašnim vystupie Alaksandr Łukašenka sychodzić z taho, što likvidavać i rasčlanić Ukrainu Rasii nie ŭdasca i patrabuje dla siabie miesca ŭ paślavajennym uładkavańni rehijona.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary