Litoŭskaja kantralorka roŭnych mahčymaściaŭ Birute Sabataŭskajcie skazała, što paśla napadu Rasii na Ukrainu ŭ jaje słužbu stali pastupać skarhi ruskamoŭnych u suviazi z dyskryminacyjaj, piša delfi.lt.
Pa słovach Sabatauskajcie, u liku tych, chto źviartaŭsia, byli hramadzianie Ukrainy, Rasii i Biełarusi.
«Jak tolki pačałosia ŭvarvańnie Rasii va Ukrainu, stali pastupać skarhi na nieakazańnie pasłuh i admovu ŭ prodažy tavaraŭ ruskamoŭnym, niezaležna ad ich nacyjanalnaści — u ich liku byli ŭkraincy, biełarusy i ruskija», — skazała Sabataŭskajcie.
Pa jaje słovach, pastupili skarhi ŭ suviazi z bulinham u škołach.
«Da nas pastupili sihnały ŭ suviazi z ckavańniem ruskamoŭnych školnikaŭ i abvinavačvańniami na ich adras z-za vajny. Słužba raspačała adpaviednyja kroki i zaklikała Ministerstva navuki, adukacyi i sportu źviarnucca va ŭsio ŭstanovy. My taksama rychtujem rekamiendacyi, jak havaryć ź dziećmi pra vajnu, jak kazać pra ludziej roznych nacyjanalnaściaŭ, pakolki my — hramadstva, u jakim havorać na roznych movach, tamu važna harantavać pavahu da ŭsich ludziej», — skazała kantralorka.
-
U Polščy pierad avijašou raźbiŭsia samalot F-16 VIDEA
-
Vienhryja zabaraniła ŭjezd kamandziru ŭkrainskaha padraździaleńnia, adkaznaha za ataki na «Družbu». Hety vajskoviec — etničny vienhr
-
«Rasija padobnaja da vady». Jak rasijskaja prapahanda nieprykmietna zavajoŭvaje aŭdytoryju ŭ Afrycy i Łacinskaj Amierycy
Kamientary