Bajden źbirajecca abviaścić novy pakiet sankcyj suprać Rasii ŭ čaćvier
Pra namier Bajdena abviaścić u čaćvier novy pakiet sankcyj suprać Rasii zajaviŭ daradca pa nacyjanalnaj biaśpiecy ZŠA Džejk Salivan padčas pres-bryfinhu ŭ Biełym domie 22 sakavika.
Salivan anansavaŭ dziejańni, jakija Złučanyja Štaty buduć rabić sumiesna ź inšymi suśvietnymi lidarami padčas pajezdki prezidenta ZŠA Džo Bajdena ŭ Brusiel u čaćvier.
Što kankretna budzie ŭ novym pakiecie sankcyj, Salivan nie skazaŭ. Ale ŭ toj ža čas adznačyŭ:
«Ja skažu, što adnym z klučavych elemientaŭ budzie zasiarodžańnie nie tolki na dadavańni novych sankcyj, ale i na zabieśpiačeńni sumiesnych namahańniaŭ, nakiravanych na baraćbu z parušeńniem sankcyj, na luboj sprobie luboj krainy dapamahčy Rasii padarvać, asłabić abo abyści sankcyi».
Buduć i novyja sankcyi, dadaŭ Salivan, ale «vialikaja častka ŭsiaho hetaha tyčycca efiektyŭnaha vykanańnia raniejšych, uličvajučy ŭroki, jakija my vynieśli ŭ inšych abstavinach, kali my faktyčna ŭvodzili sankcyi suprać krain».
Bajden maje namier dałučycca da suśvietnych lidaraŭ na pazačarhovym samicie NATA ŭ čaćvier, a taksama na pasiadžeńni «Vialikaj siamiorki» i Rady Jeŭropy.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary