Пра намер Байдэна абвясціць у чацвер новы пакет санкцый супраць Расіі заявіў дарадца па нацыянальнай бяспецы ЗША Джэйк Саліван падчас прэс-брыфінгу ў Белым доме 22 сакавіка.
Саліван анансаваў дзеянні, якія Злучаныя Штаты будуць рабіць сумесна з іншымі сусветнымі лідарамі падчас паездкі прэзідэнта ЗША Джо Байдэна ў Брусель у чацвер.
Што канкрэтна будзе ў новым пакеце санкцый, Саліван не сказаў. Але ў той жа час адзначыў:
«Я скажу, што адным з ключавых элементаў будзе засяроджанне не толькі на дадаванні новых санкцый, але і на забеспячэнні сумесных намаганняў, накіраваных на барацьбу з парушэннем санкцый, на любой спробе любой краіны дапамагчы Расіі падарваць, аслабіць або абысці санкцыі».
Будуць і новыя санкцыі, дадаў Саліван, але «вялікая частка ўсяго гэтага тычыцца эфектыўнага выканання ранейшых, улічваючы ўрокі, якія мы вынеслі ў іншых абставінах, калі мы фактычна ўводзілі санкцыі супраць краін».
Байдэн мае намер далучыцца да сусветных лідараў на пазачарговым саміце НАТА ў чацвер, а таксама на пасяджэнні «Вялікай сямёркі» і Рады Еўропы.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай23
Каментары