Biełaruski rubiel istotna patańnieŭ za apošnija tydni, a ceny ŭ kramach rastuć. «Naša Niva» spytała ŭ ekanamista, što rabić tym, chto maje źbieražeńni ŭ nacyjanalnaj valucie.
Navukovy supracoŭnik BEROC Źmicier Kruk adznačaje, što kurs biełaruskaha rubla i ceny na tavary i pasłuhi ciapier znachodziacca tolki na samym pačatku svajho šlachu.
«Kurs rubla i ceny i dalej buduć istotna źmianiacca, tamu tym, chto maje źbieražeńni ŭ rublach, varta padumać, što ź imi rabić.
Hałoŭnaje — nie pačynać skuplać niepatrebnyja vam tavary z dumkami «chaj budzie» abo z raźlikam na toje, što ŭ budučyni heta možna budzie pradać daražej. Takija dziejańni naŭrad ci možna nazvać racyjanalnymi».
Śpiašacca nabyć techniku ci inšyja tavary ekśpiert raić tolki ŭ tych vypadkach, kali vam sapraŭdy niešta z hetaha patrebnaje, ale vy adterminoŭvali pakupku.
«Taksama jość sens abmianiać rubli na valutu. Harantavać niešta składana, ale całkam vierahodna, nieŭzabavie moža pryjści čas, kali kurs prodažu budzie vyšejšym za biahučy kurs kupli».
Aproč hetaha, ekśpiert adznačaje vialikuju vierahodnaść źjaŭleńnia čornaha rynku valuty, jaki my nazirali padčas valutnaha kryzisu 2011 hoda (u Rasii jon užo adradziŭsia). Jaho stanaŭleńniu moža paspryjać nie tolki dyficyt valuty, ale i vialikaja raźbiežka pamiž kursam kupli i prodažu.
«Dla bolš prasunutych ludziej padyduć miechanizmy, źviazanyja z kuplaj kryptavaluty. Ale tut treba być aściarožnymi. Jašče adzin varyjant — pasprabavać nabyć kaštoŭnyja mietały ŭ ślitkach praz banki abo juvielirnyja kramy, kali havorka idzie pra nievialikija sumy».
Siarod inšaha ekśpiert raić zahadzia raźličycca za kredyt i inšyja abaviazki. Univiersalnaj parady dla ŭładalnikaŭ terminovych rublovych układaŭ ekśpiert nie maje, bo šmat čaho zaležyć ad sumy i terminaŭ.
«Kali pačakać zastajecca ŭsiaho niekalki tydniaŭ, to chutčej za ŭsio, śpiašacca zdymać hrošy z terminovych układaŭ, hublajučy pracenty ci atrymoŭvajučy štrafy, nie varta. Inšaja sprava, kali havorka idzie pra bolš doŭhija terminy abo kali heta ledź nie ŭsie vašy źbieražeńni».
Abirajuć tych, chto paśpieŭ zarabić da kryzisu — ułady na 2% pavyšajuć padatki. Pačała Viciebskaja vobłaść
Kudy źnikaje biełaruskaja muka?
Ciapier čytajuć
Za padpisku na kanały treš-błohiera Mełstroja ciapier buduć karać1
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary