Makiej: My hatovyja ŭdzielničać u pierahavornym pracesie pa Ukrainie
«Biełaruś spadziajecca na dypłamatyčnaje vyrašeńnie rasijska-ŭkrainskaha kanfliktu i hatovaja akazać maksimalnaje sadziejničańnie dla palahčeńnia pieramoŭ pamiž bakami», — zajaviŭ ministr zamiežnych spraŭ Biełarusi.
Pra heta zajaviŭ kiraŭnik MZS Biełarusi Uładzimir Makiej u intervju Centralnamu telebačańniu Kitaja, paviedamili na STB.
U Biełarusi rasijskaja i ŭkrainskaja delehacyi praviali ŭžo try raŭndy pieramoŭ — pakul biez asablivaha pośpiechu.
«U čym zaklučajecca naša rola? My nie źjaŭlajemsia bokam pieramovaŭ, choć my nie sychodzim ad adkaznaści i hatovyja ŭdzielničać u pierahavornym pracesie i ŭnieści svoj układ u vyrašeńnie situacyi, kali nas pra heta paprosiać i kali ŭ hetym budzie nieabchodnaść. Ciapier my skancentravanyja na tym, kab akazvać maksimalnaje sadziejničańnie abodvum delehacyjam, jakija znachodziacca na terytoryi Biełarusi. My starajemsia stvaryć zručnuju łahistyku, my zabiaśpiečvajem usim nieabchodnym z punktu hledžańnia arhanizacyjna-techničnaha. Naturalna, važnyja pytańni łahistyki, stvareńnia kamfortnych umoŭ dla pracy — zabieśpiačeńnia suviaźziu», — raspavioŭ Makiej.
Kamientary