Žychary Stolinskaha rajona paćviardžajuć fakt vybuchaŭ paśla pralotu samalotaŭ. Ukraina: Majem spravu z rasijskaj pravakacyjaj
Žychary Stolinskaha rajona, apytanyja «Našaj Nivaj», paćviardžajuć fakt incydentu ŭ rajonie biełaruska-ŭkrainskaj miažy. U svaju čarhu, Minabarony RB nazvała infarmacyju pra ataku na biełaruskija vioski tryźnieńniem.
Vyhladaje, što samaloty prylacieli z boku Łuninca ci Baranavič i vybuchi byli, ale nie ŭ Kopaniach, jak paviedamlałasia spačatku, a ŭ baku Buchlič.
Voś što kažuć ludzi.
Vioska Varani Stolinskaha rajona: «U 15.02 byli try vybuchi i dym byŭ. Vielmi mocnyja vybuchi. Maja maci žyvie vielmi blizka ad hranicy. Jana skazała, što ŭ chacie jaje zatreślisia vokny. Ciapier stali jeździć pahraničniki, šmat tak ich prajechała. Samalot lataŭ, lataŭ, a potym vybuchi. Voś tak było».
Inšaja žycharka vioski Varani: «Niešta było ŭ rajonie troch hadzin dnia. My nie viedajem, što zdaryłasia. Byli vybuchi: Kopani, Luty Bor, Buchličy, u tym baku. Samalotaŭ nie bačyli, ale hudzieła niešta».
«Samaloty, čatyry štuki, lacieli nad Stolinam u bok Ukrainy, a potym byli čutnyja vybuchi».
«Ja žychar vioski ŭ Stolinskim rajonie, ale dalekavata ad Kopaniaŭ. Vybuchaŭ nie čuŭ. Ale huki samalotaŭ byli čuvać siońnia razoŭ piać, čaho raniej nie było».
«Baranavičy. Ceły dzień uźlatajuć na paŭdniovy uschod i viartajucca adtul».
Raniej siońnia ministr abarony Ukrainy Alaksiej Reźnikaŭ źviarnuŭsia da biełarusaŭ i zajaviŭ, što rychtujecca pravakacyja: rasijanie mohuć abstralać biełaruskija nasielenyja punkty, kab apraŭdać uvod biełaruskich vajskoŭcaŭ va Ukrainu.
«Dla maskiroŭki złačynstva Rasija maje namier ažyćciavić ataku z pavietranaj prastory Ukrainy. Meta pravakacyi — prymusić dziejučaje kiraŭnictva Biełarusi da vajny suprać Ukrainy. Maskva sprabuje paviazać vas kryvioju», — napisaŭ Reźnikaŭ.
Paźniej ukrainskija pahraničniki paviedamili, što rasijskija samaloty zalacieli na terytoryju Ukrainy, a paśla raźviarnulisia i nanieśli ŭdar pa biełaruskaj terytoryi niedaloka ad dziaržaŭnaj miažy.
Minabarony RB nazvała infarmacyju pra ataku na biełaruskija vioski tryźnieńniem.
«Ministerstva abarony adnaznačna zajaŭlaje, što infarmacyja ab rakietnym udary pa biełaruskaj vioscy źjaŭlajecca adkrytym tryźnieńniem», — adznačyła aficyjny pradstaŭnik Ministerstva abarony Ina Harbačova.
Siońnia Łukašenka sustrakaŭsia z Pucinym u Maskvie. Ich sustreča doŭžyłasia piać hadzin. Ci abmiarkoŭvali jany mahčymaść udziełu biełarusaŭ u vajnie va Ukrainie, nie paviedamlajecca. Analityki miarkujuć, što Rasija choča schilić kiraŭnictva Biełarusi, kab biełaruskaja armija taksama dałučyłasia da vajennych dziejańniaŭ, a minskaja administracyja imkniecca ad hetaha ŭchilicca.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary