Łukašenka raskazaŭ Pucinu, što heta nie Rasija napała na Ukrainu. A Pucin raskazaŭ Łukašenku pra vysokuju jaŭku na refierendumie
Siońnia Łukašenka znoŭ pryjechaŭ da Pucina na sustreču. U ŚMI źjaŭlajucca cytaty ź ich razmovy ŭ prysutnaści žurnalistaŭ. Voś, što tam kazali palityki.
Pra vajnu
Ukraina atakavała b Biełaruś, kali b nie previentyŭny ŭdar z boku Rasii, raspavioŭ Łukašenka.
«Nie my na ich napadali. Previentyŭna VSU pačali stralać, kali my jašče za dva dni byli ŭ vas doma. Jany pačali. A ja ciapier vam pakažu, adkul na Biełaruś rychtavaŭsia napad», — rastłumačyŭ Łukašenka.
Jon skazaŭ, što prynios na sustreču z Pucinym karty, jakija raskryvajuć płany napadu na Biełaruś.
«Tamu my nie raźviazali heta. U nas sumleńnie čystaje. Bijałahičnaja zbroja, elektrastancyi atamnyja… I ŭsio heta było hatova vybuchnuć», — skazaŭ Łukašenka.
Jon pierakanany, što da kanca hoda ludzi zabuduć pra kanflikt Ukrainy i Rasii.
Pra sankcyi
Pucin paskardziŭsia, što pa ekanomicy RF nanosicca masiravany ŭdar. Ale ź inšaha boku, sankcyi — čas mahčymaściaŭ dla ŭmacavańnia svajho ekanamičnaha i technałahičnaha suvierenitetu, upeŭnieny jon.
«SSSR žyŭ va ŭmovach sankcyj i dasiahaŭ kałasalnych pośpiechaŭ», — skazaŭ Pucin.
Užo ciapier Rasija adčuvaje dabratvorny ŭpłyŭ sankcyj.
«Dzie Zachad uvioŭ abmiežavańni i sankcyi, nabytyja novyja kampietencyi i adnoŭlenyja staryja», — skazaŭ Pucin.
Pra refierendum i dyjałoh z narodam
Prezident Rasii pavinšavaŭ Łukašenku z praviedzienym refierendumam, adznačyŭ vysokuju jaŭku na ŭčastkach dla hałasavańnia i padtrymku hramadzian Biełarusi.
«Bolš, čym na prezidenckich vybarach, darečy, na paŭtara pracenta», — zaŭvažyŭ u svaju čarhu Łukašenka.
«Dumaju, što hety palityčny praces, jaki vy inicyjavali, dyjałoh, jaki vy viedziacie ź ludźmi, nadzvyčaj važny dla taho, kab situacyja była ŭstojlivaj i stabilnaj. Tolki pry takoj situacyi možna kazać i ab ekanamičnym raźvićci», — dadaŭ kiraŭnik rasijskaj dziaržavy.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary