Častku rasijskich bankaŭ adklučyli ad SWIFT, a Jeŭrasajuz zabaraniŭ pastaŭlać najaŭnyja jeŭra. Jak heta nas zakranie?

Jak paŭpłyvaje zabarona na najaŭnyja jeŭra na Rasiju?

«Z punktu hledžańnia ekanomiki, heta nie značyć uvohule ničoha, — kaža finansist. — Rasijskaja ekanomika biadniejšaj nie stanie, rasijskamu biudžetu horš nie stanie. Heta budzie piersanalny hałaŭny bol tych, chto zachoŭvaŭ jeŭra na ŭkładach u bankach. Zachoŭvańnie zamiežnych valut abaznačaje, što (kali rachunak biahučy) u luby momant možna pryjści ŭ adździaleńnie banka ci ŭ bankamat i źniać najaŭnymi svaje hrošy.

A kali heta depazit, to aznačaje, što ŭ momant zakančeńnia depazita možna pryjści ŭ bank — i taksama zabrać jaho najaŭnymi. Ciapier mienavita hetaja mahčymaść budzie abmiežavanaja.

Pavialičyć

Banki, katoryja majuć u siabie na rachunkach dalary ci jeŭra i vymušanyja praz kasu vydavać najaŭnyja hrošy ŭładalnikam valutnych rachunkaŭ, ci pradavać praz svaje abmieńniki, rehularna zakuplajuć najaŭnyja hrošy. Mienavita kupiury. Najaŭnyja dalary viazuć z ZŠA, a najaŭnyja jeŭra — ź Jeŭrasajuza.

Ciapier uźniknie deficyt najaŭnych jeŭra. Vidavočna, što heta budzie ruch u adzin bok, chutčej za ŭsio, ludzi buduć valutu z bankaŭ vynosić, a nie zanosić tudy. Raniej u bankaŭ prablem z najaŭnaj valutaj nie było. Heta było techničnaje pytańnie: ty zakazaŭ najaŭnuju valutu, pryvioz i vydaŭ klijentam. Ciapier heta pierastanie pracavać».

Što značyć dla Biełarusi zabarona na najaŭnyja jeŭra dla Rasii?

«Anałahičnaje rašeńnie moža być pryniataje i ŭ dačynieńni da Biełarusi», — praciahvaje naš surazmoŭca.

Pavialičyć

Ëść takaja tendencyja pa šmat jakich sankcyjach, što nakładvajuć na Rasiju, raspaŭsiudžvać ich aŭtamatam na Biełaruś.

Jak adabjecca na Biełarusi adklučeńnie dačok rasijskich bankaŭ ad SWIFT?

Siem rasijskich bankaŭ adklučajuć ad SWIFT. Siarod ich dva banki, jakija majuć biełaruskich «dačok», — VTB i VEB.RF. Što budzie z klijentami?

«Va ŭsich biełaruskich dačok rasijskich bankaŭ i tak prablem proćma. Tam ža štuka nie tolki ŭ adklučeńni ad SWIFT, — adznačaje analityk. — Naprykład, niekatoryja banki trapili pad amierykanskija sankcyi. U niekatorych aryštavanyja aktyvy, u niekatorych zakryvajuć karespandenckija rachunki. Tut navat pieryjadyčna ŭźnikali čutki nakont asobnych biełaruskich dačok, što jany spyniać svaju pracu.

Hetyja čutki pakul abviarhajucca, ale navat ciapier biełarusy, što majuć kartki ŭ «dočkach» rasijskich bankaŭ, usie majuć prablemy pry vykarystańni kartki za miažoj albo ŭ internecie z zamiežnymi sajtami. Niekatoryja kartki nie pracujuć na terytoryi Biełarusi. Tamu tym biełarusam, što absłuhoŭvajucca ŭ «dočkach» rasijskich bankaŭ, miakka kažučy, nie pazajzdrościš».

Čytajcie jašče:

Krynicy: Spažyvieckaje kredytavańnie spyniajecca. Padrabiaznaści zakrytaj narady ŭ Nacbanku

• 0
• 0
• 0
• 0
• 0
• 0
• 0
• 0