«My ŭziali ŭsio ŭ svaje ruki». Dalnabojščyki za sutki samastojna naviali paradak na PP «Bierastavica»
Učora prajšła infarmacyja pra składanuju abstanoŭku na pamiežnym pierachodzie «Bierastavica», dzie dalnabojščyki vyjšli na darohu, kab tarmazić «chitrych» kiroŭcaŭ, što abjazdžajuć ahulnuju čarhu. Z tymi, chto staić la miažy, znoŭ źviazvaŭsia karespandent sajta autogrodno.by.
Kiroŭca, jaki da hetaha stajaŭ biez ruchu bolš za sutki, a ciapier užo znachodzicca kala punktu propusku, paviedamiŭ, što kiroŭcy naviali paradak u čarzie samastojna. Na ŭjeździe ŭ ahraharadok stali dziažuryć kiroŭcy, jakija tarmazili ŭsie fury i ŭdakładniali, na jakoj padstavie jany prajazdžajuć mima čarhi. Takim čynam za paru hadzin raźviarnuli kala 30 hruzavikoŭ i asnoŭnaja čarha pačała ruch.
Adnamu ź miascovych dalnabojščykaŭ svajaki pryhnali jaho lehkavy aŭtamabil na vypadak, kali b niechta z «chitrych» kiroŭcaŭ sprabavaŭ uciakać. Jon taksama supravadžaŭ usie hruzaviki, jakija išli ŭ TŁC «Bierastavica» i kantralavaŭ, kab pa darozie jany nie ŭklińvalisia ŭ čarhu. Prysutnaść hetaha chłopca na lehkavušcy dazvoliła taksama pieraškodzić abjezdu čarhi pa alternatyŭnych darohach, a zatym pa vułkach pasiołka Pahraničny.
Ciapier prablema vyrašanaja, ale ź ciaham času moža paŭtarycca. Situacyja narmalizavałasia, ale kali pilnaść, a adpaviedna kantrol spadzie, to «chitruny» znoŭ mohuć pajechać pa-raniejšamu.
Ale pakul situacyja stała našmat lepšaj. Sa słoŭ surazmoŭcy «Aŭtahrodna», ciapier čarha možna prajści prykładna za 3—4 dni, a raniej hety pieryjad nabližaŭsia da 10 dzion.
Čytajcie taksama:
Dalnabojščyki vyjšli na darohu i spyniajuć fury la pamiežnaha punkta «Bierastavica» na miažy z Polščaj
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary