U Kramli paćvierdzili damoŭlenaść ab sustrečy Uładzimira Pucina i Alaksandra Łukašenki, jana moža adbycca da kanca tydnia, zajaviŭ pres-sakratar rasijskaha kiraŭnika Dźmitryj Piaskoŭ.
«Tak, takaja sustreča rychtujecca, my raźličvajem, što da kanca tydnia jana adbudziecca», — skazaŭ Piaskoŭ žurnalistam, adkazvajučy na pytańnie ab padrychtoŭcy mierapryjemstva.
Na sustrečy Łukašenka i Pucin abmiarkujuć sumiesnyja prajekty ŭ enierhietycy i ekanomicy. Taksama budzie abmiarkoŭvacca prasoŭvańnie dalejšaj intehracyi Rasii i Biełarusi.
«Na paradku dnia aktualnyja pytańni dalejšaha raźvićcia dvuchbakovych suviaziaŭ, realizacyja sumiesnych prajektaŭ u handlova-ekanamičnaj, enierhietyčnaj i kulturna-humanitarnaj śfierach, a taksama tematyka prasoŭvańnia intehracyi ŭ ramkach Sajuznaj dziaržavy», — paznačana ŭ paviedamleńni.
Adkazvajučy na pytańnie žurnalistaŭ, pres-sakratar prezidenta Rasii Dźmitryj Piaskoŭ nie vyklučyŭ abmierkavańnia situacyi i zatrymanaj u Minsku rasijankaj Safii Sapiehi. Piaskoŭ padkreśliŭ, što de-jure Rasija moža źviarnucca da Minskau z prapanovaj ab pieradačy Sapiehi rasijskamu boku.
Kamientary